Күндер бойынша реттелген элементтер: Бейсенбі, 11 Маусым 2020

Мемлекеттік қолдау мен субсидиялаудың арқасында республикада жылқы саны кеңестік кезеңге қарағанда 1,7 есе көбейді, деп хабарлайды ҚР АШМ баспасөз қызметі.

"1991 жылы Қазақстандағы барлық санаттағы шаруашылықтарда жылқы саны шамамен 1,7 млн бас болды. Одан кейінгі нарықтық экономикаға көшу кезінде мал саны күрт азайып, 2000 жылға қарай республикадағы жылқы саны миллионға да жетпей қалған.

         Мемлекет 2002 жылдары қолдау көрсете бастағаннан кейін мал санында өсім байқалды. Асыл тұқымды жылқыларды сатып алуға, қымыз бен жылқы етін өндіруге субсидия түріндегі мемлекеттік қолдау - 2011 жылы іске қосылды.

         Қабылданған шаралардың нәтижесінде Қазақстанда бүгінгі таңда жылқы саны 2,9 млн басқа дейін өскен (жыл басындағы мәліметтер бойынша). Бұл 1991 жылғы жылқы санынан 1,7 есе, ал 2000 жылмен салыстырғанда 3 есе көп. Тиісінше, жылқы шаруашылығы мен бие сүтінің өндірісі дамып, асыл тұқымды жылқылардың саны артты. 2011 жылдан бастап мемлекет сатып алуды субсидиялап олардың үлесі 1,9 есе өсті.

         Бүгінгі таңда мемлекет жылқы шаруашылығымен айналысатын отандық тауар өндірушілерге қолдау көрсетуді жалғастыруда. Атап айтқанда, олар үшін төмендегідей мүмкіндіктер қарастырылған:

  • сатып алынған асыл тұқымды айғырлар үшін субсидиялау нормасы әр басқа 100 мың теңгеден;
  • бие сүтін өндірушілер үшін әр литріне 60 теңгеден;
  • асыл тұқымды жылқының аналық басын бағуға, жем-шөбіне жылына 20 мың теңгеден;
  • жылқы шаруашылығын дамытуға арналған техникалар мен жем-шөп дайындайтын жабдықтарды сатып алғанда мемлекет 25 пайыздық өтеу үлесімен инвестициялық субсидия береді;
  • несиелер мен лизинг бойынша пайыздық мөлшерлемелерді 10% субсидиялау.

       Бұл қолдау шараларының барлығы жылқы фермалары мен салалық қауымдастықтардың ұсыныстары бойынша жасалған. Жалпы алғанда, 2019 жылы 4,7 мың жылқы фермалары мемлекеттік қолдау шараларымен қамтылды.

    Сонымен қатар, жоғарыда аталған қолдау шараларына қосымша, жылқы өсірушілерге «жылқы сатып алуға»  10 жылға дейінгі  6% жылдық жеңілдетілген несие беру қарастырылған. 2016 жылдан бері «Құлан» бағдарламасы жұмыс істеп келеді. 2018 жылы  12 мың бас мал сатып алуға 512 шаруашылық қаражат алды, былтыр 1440 шаруашылыққа 40 мыңнан астам жылқы сатып алуға жеңіл несие берілген. 2020 жылы қаржылық қолдау алушылардың саны едәуір артады деп күтілуде.

Бұл ретте жылқы еті - тек ішкі нарыққа бағытталған өнім екенін атап өткен жөн. Экспорттық    нарық мүлде жоқ деуге де болады.

Осы орайда, қоғамда түрлі пікір тудырған тақырып бойынша мынандай ақпарат ұсынамыз. Мемлекет әрқашан экономикалық тұрғыдан тиімді болу үшін көршілес елдердің сұранысына мән беріп, нарықтағы тұтынушы талабын ескереді.

Қазақстанда 2018 жылдан бастап шошқа етін өндіруді субсидиялау  тоқтатылған, бұл шошқа өндірісіне мемлекеттік қолдаудың жалпы көлемінің 2 есе азайғанын көрсетеді. Қазіргі уақытта салада тек екі субсидия бар: асылдандыру мен өсіруге кеткен шығындарды өтеу. Алайда, өткен жылы бұл субсидияны  тек бір шаруа қожалығы ғана пайдаланып, небары 6 бас мал алынды.

Салыстырмалы түрде, 1991 жылы Қазақстанда 2,9 миллион бас шошқа болған, ал 2018 жылы - 800 мың ғана. 2019 жылға қарай Қазақстандағы шошқа санының артуы, шошқа еті экспортының өсуіне әсер етті. Егер 2017 жылы Қазақстан шетелге 300 тоннаға жуық ет сатса, былтыр ол 800 тоннаға жетті. Осы кезең ішінде шошқа етінің ішкі тұтыну үлесі 8% төмендеді".

Дереккөз: https://www.gov.kz/

Published in Санаты жоқ

Халқымыз адам туған күннен бастап, шілдехана, бесікке салу, қырқынан шығару, тілашар, сүндет той, жасқа келу, қыз ұзату, үйлену тойы т.б. өткізу, жаназа шығару, бақилыққа жөнелту, еске алу әрқайсының өзіне тән жөн-жоралғыларды сақтап, қоғамдық даму жолдары ерекшелігіне қарамай, қаймағы бұзылмаған салт-дәстүрін қатаң жалғастыруда. Бүгінде қалың мал, әмеңгерлік т.б. дәстүрлер күн тәртібінен шыққан. Үкі тағу, келін түсіру, қыз  ұзату, беташар, өлі-тірі, дорба, ана сүті, шапан ауысу – екі жақты сыйлау, құйрық бауыр, бас, жамбас, төс ұсыну, бата беру, жар-жар, беташар, тойбастар еш өзгеріссіз, отқа май құю, есіктөр, келін қолынан шай ішу болып жалғасын табуда. Жеті атаға дейін туысына үйленбеу қағидаты сақталып, жастар танысып, кейін құдалық, жөн-жоралғы жасалып, келін ата-енеге көп тәуелді емес, тең дәрежеде, үлкендер тіршіліктеріне қолқабыс беріп, бұрынғы талаптар мүлде өзгерген уақыт. Этнолық дәстүр өзгеріссіз орындалуда.

Той мақсаты – ұлттық игі дәстүр мен мінезді қатаң сақтау, кейінгі ұрпаққа көмектесу, ғибрат болар салт-дәстүрімізді кеңінен қолдау. Барыңды үнемді пайдаланып, ысырапшылдық пен астамшылыққа, даңғойлық пен кердеңдікке жол бермеу, шынайы мәдениеттің белгісі – ұстамдылық, қарапайымдық, үнемшілдік пен орынды пайдалану көргенділікті көрсетеді. Кейінгі кезде той түрі көбейді, қаймағы бұзылмаған салт-дәстүр деңгейі құлдырап, жалған намыс пен дарақылық басым.

Тойға келген халық демалып, қуанышты отыруы, жарасымды әзіл сөздер мен тамаша әндерді естіп, той иесімен бірге қуанышқа бөленуі керек. Бірақ қазіргі өткізіп жүрген тойда көбіне шаршап, даңғаза әуендерді естіп, құлақсарсылып, көптен көрмеген сыйласыңмен бір-екі сөз алмасу, пікірлесу түгілі, амандық-саулық сұрасу да қиын. Жаппай даңғазалықты, күпінуді, жапа-тармағай дүние шашуды, жартылай жалаңаш билейтіндер, шетелдік әуендерге көңіл көтеруді, ішімдік ішуге салынуды дертке айналдырған тойларды көргеніңде қатты ренжисің. Бұл – ұлттық тәрбие, рәсім, байырғы ата-баба дәстүріне деген ынтызарлық пен ықыластың тапшылығы. Бүгінде тойға кешігіп келу әбден үйреншікті жағдайға айналып, тойдан береке кетіп, қазақты әбден шаршатып, қажытуда. Той өткізу әркімнің шама-шарқына қарамастан, өзара бәсекелестікке айналып, атақ-даңқ қуалау пиғылмен өткізілуде.

Ұлттық тәрбиенің, салт-сананың түп-тамыры ең бірінші өз шаңырағыңдағы, әулеттегі, ауылдағы ұлттық экономикалық болмыста екенін ескеріп жатқан ешкім жоқ. Өз қуанышын өзгеден асыра тойлағанды әдетке айналдырғандар азаймай, шетелден әнші, биші шақыру көбеюде.Тойда тұрпайы дүние өте көп.Тойды қарызға өткізу, қарыздың соңы қайғы-мұң, пұшайман болып, бармақ тістеуге ұласатыны жасырын емес. Өкінішке қарай, жаңа өмір бастаған жас жұбайлардың қадамы қарызға толып, жас отаудың қарызбен тігілетіні көпшілікке ой салмай тұр. Бір күндік атап өтуде даурықпа, даңғой, даңғазалыққа жол бермей, ұлт құндылығын, ысыраптың обал екендігін ұғынып, сауапты іс жасау әлдеқайда дұрыс. Той саны артқасын, сапасы кемиді де, жай ғана отырыс деңгейіне құлдырап, кемшін түскен және шектен шыққан тұстарын өзгертуге мән берілмеуде.

Даңғырлаған музыка, көзбояушылық, бос сөз, жөнсіз мақтау, қазақтың тойы тәрбиелік мәнінен айырылып, бақталастық пен бәсекелестіктің, ысырапшылдық пен астамшылықтың алаңына айналды. Дәстүр мен дарақылықты шатастырып алғандар, ысырапшылдыққа жол беретіндер көп. Тек қана мол дастарқан жайып, жақсы асаба жалдап, сол арада тілек тілеумен екі жас бақытты болмайды. Қуаныштарын тойлап жатқан адамға, әулетінің абыройын асқақтатып, екі жасты қанаттандырып демеу көрсету, қазақылықтың иісі аңқыған, ауылдың алты ауызы, халық әндерін орындап, ұлттық ойындар көрсетіп, қуанышты бөлісу тойдың басты мақсаты болуы тиіс.

Қазақтың ұлттық құндылықтарының бірі ретінде той сипатын мүлде өзгерту – бүгінгі күн талабы. Той мән-мағыналы өтсе, қабырғалы ұлттық мәдениет бейнесін көрсететін шара. Ұлттық әдет-ғұрыптың көрінісі қалаған деңгейге жеттік. «Мерекесі көп елдің берекесі болмайды». Бесік той, кіндік кесу, ат қою, тұсау кесу, сүндетке отырғызу, қыз ұзату, беташарды өткізуді үйде жақын туыстар 10-15 адаммен қара шаңырақтың дәулетін асқақтатуға тырысқан абзал. Сонымен қатар, соғым басы, шеке, омыртқа, ауызашар мен  дұға-құдайы тамақта ақ дастарханды айдалаға, әлдекімнің мейрамханасына апарып жайғанымыз дұрыс па? Қара шаңырақтың қадірі қайда? Ақ дастарханға берілетін бата, оқылатын құран, тілеген тілек қайда қалады? Шаңырақтың киесі, босағаның беріктігі осындайдан ыдырай бастайтын секілді. Кейінгіге үлгі ретінде тамырын тереңге жайып, көгеріп, көктесін десек, осындай дәстүрді көріп өскен бала мен қыз қара шаңырақтың, ата-дәстүрдің қадірін түсініп, елдің иесі, жердің киесі барына сеніп, елдің елдігін сақтай ала ма? Салт-дәстүрің, ұлттық киім, үйің тұрғанда неге өзгеге қызығамыз?Мейрамхана мен кафе, сұлулық салоны, көлікті жалға алу, әнші-биші, той киім-кешек дүкендері қазақы салт-дәстүрден ажыратып келе жатыр.

Қазақ халқының ұлттық ұғымымен ұштасқан ислам діні еш уақытта дәстүрді теріске шығарған емес. Бақилық болған адамды құрметтеп шығарып салу, жаназасын өткізу – халық міндетіне айналып, дәстүрге енген шара. Жаназадан кейін жерлеу, жетісі, қырқы, жылын атап өту – адамды құрметтеу, ағайын-туыс болып қайғы бөлісу жолы. «Өлім – бардың малын шашады, жоқтың артын ашады» – дейді халқымыз. Адамның жамбасы жерге тимей жатып, қаралы үйде қонақасы берілуі дәстүрдің бұрмаланғанын көрсетеді. Қазақ қонақасын алыстан ат терлетіп жаназаға қатысуға, топырақ салуға келген қайтыс болған адамның жақын туыс-жекжаттарға берген. «Адамды баршылық та, таршылық та сынайды» – дейді. Тойды, қайтыс болған адамның жылын беру, еске алу, ас беруді де шатастырған заманға тап болдық. Қайтыс болған адамның жылын атап өту – ол жылы. Ол – 12 ай. Қайтыс болған адамға 6 ай толса болды, жылын өткізу деген пайда болды. Бұл дұрыс емес. Ас – қоғамға еңбегі сіңген, беделі бар атақты және 90 жас, 100-ге келген адамдарға ғана берілген. Аста шешілуі күрделі мәселелер, көптің қатысуымен қаралып, шешімін тауып отырған. Ас беру – ас иелері мен рулық-қасиеттеріне ғана сын емес, асқа шақырылған қонақтар үшін де үлкен мәртебе және белгілі бір міндеттемелер де жүктелген. Әр рудың тұтастық негізін байқатады.

Бүгінде қайғымен байланысты жайылатын дастарханға шектеу қойған дұрыс. Жаназа мен тойды ажырату қиын болып барады. Жаназа, басқа да құдайы тамақтарды жаппай даңғазалықты, күпінуді, жапа-тармағай дүние шашуды, шама-шарқына қарамастан өзара бәсекелестікке айналып, атақ-даңқ қуалау пиғылмен өткізу, дастархан басында асты жиналысқа айналдыру белең алған. Қолында жоғы жалған намысқа тырысып, күнбе-күн өз дастарханында балалары мүлде көрмеген тағамның түрлерін қарызға батып алып өткізуде. Өлім-жітім болған кезде адамның әлеуметтік-тұрмыстық жағдайына байланысты алалау, жаназаға, жерлеу рәсіміне қатыспау дертке айналуда.

Әрбір тойды жалтақтамай, ешкімнің көңіліне қарамай уақытында бастау, тост айтуды тоқтату, тамақ ысырабына жол бермеу, дастарханға арақ-шарапты мүлде жолатпау, тойда тек қазақтың ұлттық музыкасын пайдалану, үлкен адамдардың өзара әңгімелесетіндей, сұхбаттасатындай мүмкіндіктер туғызу, музыка дауысын орташа ғана қоюды, жұрттың қалауы тойды қазақыландыру арқылы құндылықтарды қайтаруды, қазіргі жастардың бақытты болуы, ұлтын сүюі, отаншыл болуы үшін де біз жиі өтетін тойларға қойылар талапты күшейтуіміз керек. Ол үшін әрбір ата-ана тойды ықшамдау мәселесі, қуанышқа тағылымы мол ретті той жасап, халықтың алғысына бөленгені дұрыс. Жинақы өтетін тойға ұлттық рең беруде жұрттың мәдениеті де айқындала түседі.

Біз, Еңбекшіқазақ ауданының ардагерлері, тұмаудың сovid-19 түрінің өте қауіптілігін ескеріп, қоғамның басты байлығы адам денсаулығы екенін барлық елді мекен тұрғындарына ескертуді жөн көріп, жалпы сақтық шараларын бұлжытпай орындап, салт-дәстүрлер мен діни рәсімдердің сабақтастығын бірізділікке бағыттау мәселелеріне көңіл бөліп, той, жаназа т.б. іс-шараларды алдағы 3 жыл көлемінде 10-15 адам жиналып, тек үйлену тойы мен ас беру рәсімдеріне барлық санэпидемиялық шараларды ескеріп туған-туысқандармен 30-40 адам көлемінде ғана үй төңірегінде өткізуді ұсынамыз.

Еңбекшіқазақ ауданының ардагерлері:

Т.Ұзақов,

А.Тойжанов,

А.Байтулақов,

С.Спатаев,

О.Абибов, 

Е.Апеков,

Ә.Жәпеков,

А.Мұқажанов,

А.Мұқатжанов,

Н.Мұхаметқалиев,

А.Орынбетова,

С.Тажиев,

Т.Тұяқов

Published in Мақалалар
Бейсенбі, 11 Маусым 2020 11:58

Алтын жүзік оқиғасы

Сонау бір жаусоқты заманда туған топырағынан босқан ел дінсіз қауымның қолтығына барып паналайды. Олар қорғансыз елге өктемдік жасап, реті келсе дүние-мүлкін талайды.

Ауған ел бұл өлке баянды тұрақ болмайтынын сезіп, басқа жаққа қоныс аударуды ойлас­тырады. Бірақ ат-көлік жоқ, қол қысқа, жолай шөл даланы кесіп өту үшін азық-түлік, мол су қоры керек... Бұлар қиналып, не істерін білмей тарыққан кезде, кәрі ата-анасы бар айдай сұлу қыз айтады:

– Қадірлі халқым, сіздер мы­надай надан елде қалып қой­саңыздар түбінде ұрпақ азады, бәріміз дінсізге айналамыз. Мен сіздерді құтқарғым келеді. Осы елдің басшысы маған сөз са­лып, өзіне әйел болуымды қ­алай­тынын айтты. Мен сол адам­ға әйелдікке барам, оның ақы­сына патша сіздерге ат-көлік және шөлден өтуге жететін азық-сусын береді. Соны алып, сіздер мұсылмандарға же­тіп алы­ңыздар. Мен өз қауымы­м­ның діні үшін осылай етуге мәж­бүрмін, – деп жылайды.

Елдің ақсақалдары ақыл­дасып қыздың уәжін құп көріп, барлығы оған ақ батасын береді. Халықтың батасын алған қыз патшаға адам жіберіп, өзінің келіскенін және шартын айтады. Патша мақұл көреді. Осылай дана қыздың арқасында ауған ел діттеген жеріне жетіп, жау-жардан құтылады.

Ал дінсіз патшаға әйел бол­ған қыз күйеуінің айтқанын бұл­жытпай орындап жүре береді. Қанша қиналып бейнет шексе де құлшылығын тас­тамайды. Көрген қиындықты тәңірдің сынағы деп қабылдап, «сынақтан кейін оның сыйлығы боларына» үміт етеді.

Елгезек әйелге риза болған күйеуі оған есімі жазылған алтын жүзік сыйлайды. Қыз бұл сыйлықты шағын қобдишаға салып, сандыққа тығып қояды. Арада айлар өтеді. Патшаны шайтан түртеді. Әйелі жоқта сан­дықты ашып қобдишадан жүзік­ті алады. Оны жоғалтып «кім­ге бердің?» деп әйелін қина­маққа бекиді. Сөйтіп жүзікті қыстақтың қасында ағып жатқан үлкен өзенге лақтырып жібереді.

Оқиғадан бейхабар әйел ертеңінде су алу үшін өзенге барады. Ауылдың балықшылары ау салып, көп балық ұстаған екен. Олар әдепті әйелге екі ба­лық береді. Әйел үйге келген соң балықтардың ішін жарып тазалайды. О, құдірет, бір балықтың ішінен алтын жүзік шыға келеді. Анықтап қараса, өзіне күйеуі сыйға берген жүзік екен. Жүгіріп барып сандықты ашса қобдиша бос тұр. Әйел «бұл істе де бір ғибрат бар шығар» деп жүзікті орнына салып қойып, ешкімге айтпай жүре береді.

Бір күні күйеуі шақырады. Барса қабағынан қар жауып, ашуланып отыр екен. Бірден:

– Саған сыйға берген алтын жүзік қайда? – дейді. Әйел:

– Сандықта сақтаулы тұр.

Патша үйдегі сандықты са­райға алғызып, көптің көзін­ше: – Сандықты ашып жүзік­ті алып шық! – деп әйелге бұйы­рады. Әйел «бисмиласын» айтып сандықты ашады, ішінен қоб­дишаны алып шығып кү­йеуіне «міне, тақсыр» деп жүзік­ті көр­сетеді. Патша да жүзікті та­ни­ды, дәл өзі. Бұл қалай бол­ғаны, өз қо­лы­мен өзенге тас­таған еді ғой…

Бұл істе үлкен ғибрат барын аңғарған патша әйеліне шын­дықты айтады және жүзікті қалай тауып алғанын сұрайды. Әйел де ештеңе жасырмай, бол­ған оқиғаны баяндайды.

Тәңірдің өзі сүйген құлын қалай қорғайтынын ұғынған пат­ша әйелге, «сен тура жолда екенсің мен сенің дініңді қабыл­даймын, үйрет!» дейді. Әйел тағдырына мың рет шүкірлік айтып, күйеуіне өз дінін үйретеді. Патшасы мұсылман болған ел ақыры бәрі мұсылман болып тынады. Осылай бір тақуа әйелдің арқасында бір тайпа ел еш зорлықсыз ақиқат жолын тапқан екен.

Бекен ҚАЙРАТҰЛЫ

Published in Әдебиет

 

 

Бүгінде Алматы облысында "Жетісу-адалдық алаңы" жобалық кеңсесі сыбайлас жемқорлықты жою бойынша бірыңғай мақсатты жүзеге асыруда мемлекеттік қызметкерлер мен азаматтарды біріктіретін жалпыұлттық идеяға айналуда. Бұл бағытта жобалық кеңсе ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Алматы облысы бойынша департаментімен бірлесіп ақпараттық-насихаттау жұмыстарын жүргізуде.

Мәселен, Сыбайлас жемқорлыққа қарсы қызметінің 1424 Call-орталығын насихаттау мақсатында Алматы облысының жастар белсенділері облыс аумағында мемлекеттік органдардың өкілдерімен бірлесіп, "Парасатты бол, сыбайлас жемқорлық фактілері туралы 1424-ке хабарла!» атты бірыңғай облыстық акция ұйымдастырды. Акция аясында белсенділер сыбайлас жемқорлыққа қарсы жапсырмаларды қоғамдық орындарда, қоғамдық көліктерде, патрульдік автокөліктерде, сондай-ақ мемлекеттік мекемелердің ақпараттық тақташаларында орналастырды.

Сонымен қатар, акция аясында жастар белсенділері "Жетісу-адалдық алаңы" жобалық кеңсесінің қалалық және аудандық менеджерлерімен бірлесіп Алматы облысының азаматтарына сыбайлас жемқорлыққа қарсы заңнамадағы жаңа өзгерістер туралы ақпарат жеткізді. Жаңартылған көтермелеу жүйесіне сәйкес, сыбайлас жемқорлық фактілері туралы хабарлаған азаматтар сараланатын сыйақы сомасын ала алады. Мұндай жүйе Экономикалық ынтымақтастық пен даму ұйымының көптеген елдерінде іске асырылуда. Егер адам сыбайлас жемқорлық қылмыс туралы хабарлаған болса, онда ол айыптау үкімі шығарылғаннан кейін пара сомасының 10% - ын ала алады. Ең жоғарғы сыйақы 10 миллион 600 мың теңгені құрайды.

"Жетісу-адалдық алаңы" жобалық кеңсесінің басшысы Аманжол Жазықбаевтың айтуынша: "Бүгінгі күні "Жетісу-адалдық алаңы" жобалық кеңсесінің басты міндеттерінің бірі - осындай ақпараттық-насихаттық жұмыстарды жүргізу арқылы халық арасында сыбайлас жемқорлық құқық

бұзушылықтарға нөлдік төзімділікті қалыптастыру және парасаттылық қағидаттарын нығайту болып табылады. Азаматтар өзінің азаматтық борышын танытып, лауазымды тұлғалардың заңсыз іс-әрекеттері туралы Сыбайлас жемқорлыққа қарсы іс-қимыл жөніндегі уәкілетті органға хабарлауы тиіс".

ҚР Сыбайлас жемқорлыққа қарсы іс-қимыл Агенттігінің Алматы облысы бойынша департамент (Сыбайлас жемқорлыққа қарсы қызмет) басшысының бірінші орынбасары Жандос Жұмабаев атап өткендей: " Сыбайлас жемқорлыққа қарсы қызметінің 1424 Call-орталығы сыбайлас жемқорлық фактілері туралы, оның ішінде жасалған немесе дайындалып жатқан құқық бұзушылықтар туралы, сондай-ақ кәсіпкерлік қызметке кедергі келтіру жағдайлары туралы телефон хабарламаларына тәулік бойы жауап береді.

Бұған қоса, Call-орталығының операторлары агенттіктің қызметі туралы сұрақтарға жауап береді, Сыбайлас жемқорлыққа қарсы қызмет пен оның қызметкерлерінің жұмысына шағымдар, ұсыныстар мен пікірлерді қабылдайды, жұмысқа түсу тәртібін түсіндіреді.

Өз кезегінде, біздің тарапымыздан колл-орталығына түскен әрбір қоңырау бойынша заңнама шеңберінде дереу әрекет жүргізілуде".

Ұйымдастырушылар атап өткендей, аталмыш акция Алматы облысының барлық аудандары мен қалаларында бір уақытта өткізілді, жалпы сыбайлас жемқорлыққа қарсы белсенділер 20 000-нан астам ақпараттық жапсырмаларды орналастырды.

ҚР Сыбайлас жемқорлыққа қарсы іс-қимыл Агенттігінің Алматы облысы бойынша департамент

Published in Санаты жоқ

Казахский национальный университет имени аль-Фараби совершил феноменальный прорыв, поднявшись в глобальном рейтинге QS на 165 позицию. Тем самым ведущий казахстанский университет успешно выполнил задачу, поставленную Елбасы Н.А.Назарбаевым и заложенную в Госпрограмме развития образования и науки РК по вхождению к 2020 году как минимум двух казахстанских вузов в топ-200 лучших университетов мира. КазНУ подтвердил свое соответствие высокому уровню в мировом научно-образовательном пространстве.

Самое известное и авторитетное всемирно признанное рейтинговое агентство Quacquarelli Symonds (QS) опубликовало новые результаты исследования по высшим учебным заведениям мира. Как подчеркивается в аналитическом отчете QS, в этом году КазНУ им. аль-Фараби поднявшись на 42 позиции занял 165 место в глобальном рейтинге и «стал первым казахстанским вузом, прорвавшимся в топ-200 лучших университетов мира». На постсоветском пространстве только два университета вошли в эту группу – МГУ им. Ломоносова и КазНУ.

Демонстрируя небывалую ранее в истории высшего образования мира стремительную динамику, за 9 лет вуз продвинулся почти на 500 позиций вперед. Такое продвижение в мировом рейтинге за короткий промежуток времени приковало внимание зарубежных экспертов, именующих уникальный прорыв «феноменом КазНУ им. аль-Фараби». В международной академической среде это активно обсуждают как наиболее яркий пример динамичного развития вуза, многие представители зарубежных университетов перенимают положительный опыт КазНУ.

За высокой позицией в мировом рейтинге стоит огромная работа коллектива университета во главе с ректором, академиком Галымом Мутановым по повышению глобальной конкурентоспособности КазНУ. Была проведена комплексная структурная модернизация на основе кластерного подхода и внедрена система управления, ориентированного на результат, которые способствовали переходу к принципиально новому качеству образования и науки. В кооперации с ведущими зарубежными университетами реализуются программы двойного диплома и образовательные программы на английском языке, благодаря чему в КазНУ обучается самое большое в Казахстане количество иностранных студентов. Их число только за последний год возросло в 15 раз.

Компания Майкрософт признала цифровую модель развития КазНУ как одну из лучших практик. В университете открыты научно-образовательные центры всемирно известных высокотехнологичных корпораций, создан научно-технологический коридор «от генерирования идеи до ее коммерциализации». Его эффективное использование позволило КазНУ в течении пяти лет увеличить объем научных проектов более чем в 2,5 раза. Каждая пятая публикация казахстанских авторов в международных рейтинговых научных журналах принадлежит ученым КазНУ. За этот же период инфраструктура университета выросла почти на 50 процентов.

В качестве Глобального Хаба Программы ООН «Академическое влияние» по устойчивому развитию, КазНУ разработал и внедрил модель университета нового поколения – «Университет 4.0», которая была представлена в Штаб-квартире ООН в г.Нью-Йорк и рекомендована для широкого распространения на международном уровне. КазНУ создал центры аль-Фараби в 12 зарубежных странах.

Лидерские позиции Казахского национального университета в мировом образовательно-научном пространстве подтверждаются и другими международными рейтинговыми агентствами. Так, КазНУ входит в топ-200 самых экологичных и топ-50 технологически развитых вузов мира. Получив высокую оценку «АА+» Европейской научно-промышленной палаты, казахстанский университет находится в одном ряду с ведущими вузами Европы. Все эти достижения способствовали признанию КазНУ лучшим университетом тюркского и исламского мира.

Рейтинг QS возглавляет Массачусетский технологический университет, на втором и третьем месте – Стэндфордский и Гарвардский университеты соответственно (все вузы США). Десятку лучших мировых вузов практически полностью составляют американские и британские высшие учебные заведения.

www.kaznu.kz

Published in Санаты жоқ

Әрине, мен де сіздерге баға бере алмаймын. Бір тілде сөйлейсіздер ме, әлде екі тілді бірдей таңдайсыздар ма – оны өздеріңіз шешесіздер. Екі тілді бірдей білген де жаман емес. Билингвизм – әлемнің көп елінде бар. Тарихшы ретінде айтатын болсам, маған қазақтар өзінің ұлттық ерекшелігін, тілін жоғалтып алған халық секілді болып көрінеді. Сіздер – адасқан, жолынан жаңылып қалған халықсыздар, меніңше. Халықты әдейі не қасақана тарихи жадынан айырып тастаған сияқты. Әйтпесе, есі дұрыс адам ана тіліңнен гөрі орысша білген дұрыс па деп сұрай ма? Бұл – абсурд! Тамырынан ажырап қалған, не істерін білмей аласұрып жүрген халықтар ғана осындай сұрақ қояды, негізі. Тіл мәселесін біржола шешу үшін - халыққа тарихын оқытып, халықты, ұлтты соған ынталандыру керек.

- Сіз сонда бізді тарихы жоқ халық деп есептейсіз бе?
- Бір мысал. Мен Алматының дүкендерін аралап жүріп тарих тақырыбын қозғаған бір дені дұрыс кітап таба алмадым. Дұрыс қарамаған шығармын, мүмкін. «Меломанда» да болдым. Бүкіл әлемде ғылыми басылымдардың, соңғы шыққан кітаптың бәрін осындай үлкен-үлкен кітап дүкенінен табасың. Сұраныс бар оған. Сіздерде сатылмайды, өйткені халық өз тарихына қызықпайды. Осы жақында ұлттық аспаптар музейінде болып, сол жерден баяғы өткен заманның тарихын, нағыз ұлттық құндылық - балбалды көрдім. Бірақ ол неге ұлттық музейде емес, бір елеусіз зат сияқты болып сонда тұр?
Осыны көргенде, қазақтың тарихын зерттеп жүрген менің жүрегім ауырды. Тарихқа қалай қарасаңыздар, тілге де сөйтіп қарап жүрсіздер..
- Жапонияда тарихи мифке қалай қарайды?
- Біздегі ең үлкен миф – жапон императоры құдайдан туған деген миф.
Бірақ біз, тарихшылар, бұл мифке тиіспейміз. Неге десеңіз – ол біздің рухани матрицамыз. Оның түбінде аңыз жатқанын, шындыққа жанаспайтын нәрсе екенін жақсы біліп отырмыз. Бірақ ол біз үшін қозғамайтын, мызғымайтын тақырып. Киелі, қастерлі тақырып. Жапонияның мемлекет ретіндегі тарихы да осындай аңыз-әпсанадан басталған. Сондықтан сіздер тарихқа бей-берекет қарамаңыздар. Тарихи шындық қалпына келсе, мемлекеттік тіл де өз жолын тауып, ол бара-бара ұлтты ұйыстыратын үлкен факторға айналып шыға келеді!

Аударған Жолымбет Мәкіш

Published in Санаты жоқ
Copyright © 2014 Меншік иесі: ТОО "Еңбекшіқазақ" Есік қаласы, Алматы обласы № 4270-Г

 Выходные данные

Жарнама

для детей, достигших 12 лет