Ауданымыздың әр өңірлерінде халық игілігі үшін жаңа мектеп салу, күрделі жөндеулер, жол, су құбырларын тарту, тағы басқа да көптеген жұмыстар жүргізілуде. «AMANAT» партиясының аудандық филиалы «Халықпен бірге» сайлауалды бағдарламасының жол картасы бойынша қолға алынған жұмыстардың сапалы атқарылуын назарға алған.
Жақында «AMANAT» партиясы аудандық филиялының төрағасы Бағдат Рахимов және Алматы облысы мәслихатының депутаты, «AMANAT» партиясының фракция мүшесі Ерік Абитов Шелек ауылындағы күрделі жөндеу жұмыстары жүргізіліп жатқан Абай атындағы мектепке келіп, құрылыс барысымен танысты. Мұндағы жұмыс келер жылдың сәуір айында аяқталуы тиіс. Ауа-райының қолайлы болуына байланысты ғимараттың сыртын әрлеу жұмысы қызу жүргізіліп жатыр. Қыстай ішкі жұмыстар қолға алынатынын айтты мердігер мекеме өкілі.
Келесі қолға алынған ауқымды жұмыс – ауызсу құбырларын тарту. Мердігер мекемеге жұмыстың талапқа сай жүргізуін тапсырды аманаттықтар. Одан кейін құрылысы бітуге таяп қалған дене шынықтыру-сауықтыру кешеніне де ат басын бұрды аманаттықтар. Ауылдың шыға берісіндегі жаңа үйлер бой түзеген ықшам ауданның жолдарына асфальт төсеу жұмысын да өз көздерімен көріп, істің талапқа сай жүргізіліп жатқанының куәсі болды. Жергілікті тұрғындар да алғыстарын айтып, лебіздерін білдірді.
Анарбек МӨКІШҰЛЫ.