ҚР ПАРЛАМЕНТІ МӘЖІЛІСІНІҢ ДЕПУТАТТАРЫ МЕН РЕСПУБЛИКАЛЫҚ ПАРТИЯ ШТАБЫ МҮШЕЛЕРІНІҢ АУДАНЫМЫЗДАҒЫ КЕЗДЕСУЛЕРІ ҚАЗАҚСТАН, ДОСТЫҚ, ҚАЙНАЗАР ЖӘНЕ БӘЙТЕРЕК АУЫЛДАРЫНДА ЖАЛҒАСТЫ.
Референдумның маңыздылығын түсіндіру мақсатында өткізілген кездесуге барлық деңгейдегі маслихат депутаттары, фракция мүшелері қатысты. Кездесу барысында еліміз бойынша 2022 жылдың 5 маусымы күні жалпыхалықтық референдум өтетінін, соған байланысты штаб мүшелері халық арасында кеңінен түсіндіру жұмыстарын жүргізуді бастағанын жеткізді.
Референдум қоғам арасында қызу талқыланып, қолдау тауып отыр. Конституцияны бүкілхалықтық дауыс беру арқылы өзгерту – халықтың еркін білдіруінің айқын көрініс екендігі анық.
ҚР Президентінің Жолдауында, саяси реформаларды жариялап, билік институттары арасындағы конституциялық құрылымды жетілдіруге мүдделі екенін танытты. Өзгеріс аз емес, соның бірі – Парламент палаталарының рөлі күшейіп, мәртебесі артады. Мәжілісті қалыптастырудың аралас моделі енеді, Парламенттің бақылау функциялары кеңейеді, заңнамалық рәсімдер оңтайланады. Яғни, азаматтардың мүддесін қорғау механизмі күшейеді.
Реформалар сәтті өтсе, халық ел басқаруға қатысады. Бір мандатты округтер бойынша Мәжіліс депутаттары сайланады, мәслихат Бұндай өзгеріс елде демкоратиялық процестерді жетілдіріп, «биліктің бірден-бір қайнар көзі – халық» деген принцип жүзеге асады. Яғни, қоғам өз өкілдері арқылы маңызды шешімдерге араласады. Осыншалық ауқымды реформаларды заңмен бекіту үшін бізге референдум қажет. Себебі бұл тек Президент не Парламент шешетін мәселе емес, бұл – бүкіл Қазақстан халқының алдындағы міндет екені жайлы айтылды.
Кездесу соңында халық қалаулылары 5 маусым күні референдумға қатысуға шақырды.
Қ.ДАРБАЕВА, консультант.
