Мен, Әділхан Азамат Әділханұлы, 1993 жылы 11 қаңтарда Алматы қаласында дүниеге келдім. Білімім – жоғары. 2011-2015 жылдары Абай атындағы Қазақ ұлттық педагогикалық университетін құқықтану мамандығы бойынша тәмамдадым. Еңбек жолын 2015 жылы 20 желтоқсанда «АС-Сапа Курылыс» ЖШС-де заңгер болып бастадым. 2017 жылы 20 желтоқсанда Қазақстан ауылдық округ әкімі аппаратының бас маманы болып жұмысқа қабылданып, 2018 жылы 3 қазанда Есік қаласы әкімі аппаратының бас маманы болып ауыстым.  Еңбекшіқазақ аудандық ішкі саясат, мәдениет, тілдерді дамыту және спорт бөлімінде бас маман қызметін атқардым. Қазіргі таңда Қаракемер ауылдық округі әкімінің орынбасарымын.  

Құрметті Шелек ауылдық округінің сайлаушылары!

Ауыл – еліміздің жүрегі. Сондықтан ауылды көркейтіп, әлеуетін арттыру – менің басты мақсатым. Мемлекет басшысы Қ.Тоқаев ауылдарды гүлдендіруге, сондағы тұрғындардың тұрмыс сапасын жақсартып, әл-ауқатын арттыруға барлық мүмкіндіктерді жасауда. Түрлі мемлекеттік бағдарламалар қабылданып, ірі жобалар жүзеге асырылуда. Осындай бағдарламаларды тиімді жүзеге асыру, ауылдың әлеуетін пайдалана отырып, дамуға жол ашу – менің сайлауалды бағдарламамның негізі.

Сайлауалды бағдарламамда төмендегідей бағыттарға басымдық беріп, жұмыс атқаратын боламыз:

– Халықтың әл-ауқатын көтеру бағытында жұмыс жасап, әлеуметтік мәселелерді үнемі назарда ұстаймын;

– Адамның басты капиталы – білім. Осы тұрғыда округтегі білім беру ұйымдарымен үнемі байланыста болып, оқушылардың түрлі деңгейдегі байқауларға қатысуларына жағдай жасаймын;

– Округ тұрғындарын рухани қолдау бағытында ауыл кітапханасы мен мәдениет үйі жұмыстарының жандануын назарда ұстай отырып, тиісінше қолдау көрсетемін;

– Аз қамтылған, көпбалалы отбасыларды, мүмкіндігі шектеулі жандарды назардан тыс қалдырмай, қамқорлық жасаймын;

– Округтің санитарлық тазалығын үнемі бақылауда ұстап, көгалдандыру мен абаттандыруға жұмыс жасаймын;

– Болашақ жас ұрпақтың еншісінде. Демек, ауыл жастарының спортпен шұғылданып, түрлі жарыстарға қатысуларына қолдау көрсетемін. Жастардың ауылда тұрақтауына жағдай жасай отырып, округ тұрғындарының санын арттыруға күш саламын;

– Округтегі кәсіпкерлер, шаруа қожалықтарымен тығыз байланыста болып, ауылдың мәдени, қоғамдық жұмыстарына белсенді араласуларын ұйымдастырамын;

– Ауылдағы  саяси  ахуалдың  тұрақты  болуын  басты  назарда  ұстау,  саяси ахуалдың  тұрақты болуы үшін әрдайым зерттеулер жасап  талдау  жүргізіп отыру, саяси  ахуалдың тұрақты болуы және әлеуметтік мәселелердің оң шешімін табу үшін  қоғамдастық, ардегерлер  кеңесі, жастар ұйымы жұмысының белсенділігін арттырамын;

– Ауылда жұмыссыздықты болдырмау, халықты нәтижелі жұмыспен қамту мақсатында тұрғындарды жеңілдетілген несиелер алып, түрлі мемлекеттік бағдарламаларға қатысуға, өз кәсібін ашып, жұмыс жасауға заңдық тұрғыда көмектер көрсететін боламыз;

–  Жергілікті мемлекеттік басқару және өзін-өзі басқару заңына сәйкес 2018 жылдан бастап ауылдық бюджет көзделген. Тиісті біліктілік курстарынан өткен, сапалық құрамы жоғары мамандарды даярлай отырып, кәсіби аппарат құру, барлық мүмкіншіліктерді қарастырып салық базасын кеңейту, түбегейлі зерттеліп, жан-жақты талданғаннан кейін ауыл бюджетін сапалы жоспарлаймыз;

– Шағын және орта бизнеспен айналысуға ауыл тұрғындарын көптеп тарту, ауыл шаруашылығына басым бағыт беру, ауыл шаруашылық дақылдарын әртараптандыру, өндіріске жаңа сұрыптарды енгізе отырып, жоғары өнімдер алуға қол жеткіземіз.

Мен Тойғанбеков Бақберген Бауыржанұлы 1988 жылы 21 сәуірде Еңбекшіқазақ ауданы Көктөбе ауылында дүниеге келдім. Білімім жоғары, әл-Фараби атындағы Қазақ Ұлттық университетін тәмамдадым.

Еңбек жолымды 2014 жылы Ават ауылдық округі әкімі аппаратында бас маманның міндетін атқарушы болып бастадым. 2017 жылға дейін аталған округ әкімдігінде бас маман, 2017-2018 жылдары Еңбекшіқазақ аудандық ветеринария бөлімінің жетекші маманы болдым. 2018 жылы Ават ауылдық округі әкімі аппаратының бас маманы қызметіне қайта тағайындалдым. 2024 жылдың 22 қаңтарынан Жаңашар ауылдық округі әкімінің орынбасарымын.

Құрметті Шелек ауылдық округінің тұрғындары!

Сіздердің қарауларыңызға Шелек ауылдық округінің  әкіміне кандидат ретінде өзімнің әзірлеген сайлауалды бағдарламамды ұсынамын. Мемлекет басшысы  ұстанған қоғамдық татулық пен тұрақтылықты көздеген саяси бағыт Тәуелсіз Қазақстанның дамудың даңғыл жолына түсіп, экономикасы қарқынды дамыған елге айналуға өз септігін тигізеді деген ұстанымдамын.

Менің бағдарламамның барлық тармақтары Қазақстан Республикасының Конституциясына, мемлекеттік басқару және өзін-өзі басқару органдарының қызметін реттейтін қолданыстағы заңнамаға, және де бюджеттің нақты қаржылық мүмкіндіктеріне сәйкес келеді.

Менің сайлауалды бағдарламамның негізгі бағыттары:

– Округте әлеуметтік, білім, денсаулық сақтау, мәдени салаларының және әлеуметтік өмірдің сапалы жақсаруына бағытталған Шелек ауылдық округінің барлық тұрғындары мен мемлекеттік билік органдарының тығыз, заң нормаларына сәйкес, үйлесімді қызмет етуін қамтамасыз ету;

– Округтің жергілікті мемлекеттік басқару және жергілікті өзін-өзі басқару органдарының тиімді әрі сапалы қызметімен округ өміріне маңызды мәселелерін  белгілеу мен шешуге жергілікті қоғамдастықты  тарту;

– Ауылдық округтің экономикалық әлеуетін белсенді дамыту, тұрғындардың әл-ауқатын арттыру мен халықтың тұрмыс сапасын жақсарту  үшін қолайлы жағдайларды жасау. Ауыл шаруашылығы құрылымдарында егін шаруашылығы мен мал шаруашылығын дамыту бойынша жұмысты жандандыру;

– «Жұмыспен қамту және жаппай кәсіпкерлікті дамыту» және шағын және орта кәсіпкерлікті қолдауға бағытталған мемлекеттік бағдарламалары қызметінің тиімділігін арттыру, оларға азаматтар мен кәсіпкерлік субъектілерін көптеп тарта отырып, бизнестің қоғамға адал қызмет етуіне жағдай жасау;

– Жұмыспен қамту деңгейін арттыру, жаңа жұмыс орындарын ашуға жәрдемдесу, жұмыссыз азаматтарды жұмыспен қамтудың мемлекеттік бағдарламаларының іске асуын қамтамасыз ету. Жастардың жұмысқа қамтылуы мен орналастыру мәселесін шешу бойынша жұмысты жандандыру;

– Көпбалалы аналар мен аз қамтылған отбасыларға мүмкіндігінше әлеуметтік қолдауды қамтамасыз ету.

– Ауылдық округтің саниятариялық тазалығын, абаттандыру мен көгалдандыруын, ауылдардың  ішкі автомобиль жолдарын уақытылы әрі сапалы жөндеуді, оларды тиісті жағдайда ұстауды, ауылдық округтің ауылдарын көше жарықтандырумен қамтылуын кеңейту бойынша жұмысты жалғастыруды қамтамасыз ету;

– Халықтың мәдени шараларға көптеп қатысуын қамтамасыз ету, жастардың бос уақытын  тиімді өткізу үшін мәдени шараларды ұйымдастыру, тұрғындар және жастар арасында бұқаралақ спорт пен саламатты өмір салтын дамыту;

– Қоғамдық қауіпсіздік пен құқық тәртібін қамтамасыз ету, ауылдық округте тұрғындардың құқықтық мәдениетін арттыруға жәрдемдемдесу.

Менің Шелек ауылдық округі әкіміне кандидат ретінде ұсынып отырған сайлауалды бағдарламам, Сіздермен бірлесе округ өмірінде маңызды мәселерді шешудегі жүзеге асыратын жұмыстарға мүмкіндік беретініне  сенімім мол.

Мен Демесинов Мақсат Аманғалиұлы, 1977 жылы  Алматы облысы, Еңбекшіқазақ ауданы, Түрген ауылында дүниеге келдім. Білімім – жоғары. Еңбек жолымды 1999 жылы Алматы облысы Еңбекшіқазақ ауданы Ішкі істер басқармасында учаскелік полиция инспекторы болып бастадым. 2005 жылдан – 2009 жылға дейін Алматы облысы Еңбекшіқазақ ауданы Әділет басқармасының бастығы, 

     2009 - 2010 жылдары Алматы облысы Еңбекшіқазақ ауданы Әділет басқармасы бастығының орынбасары, 2010 - 2020 жыл аралығында «Халыққа қызмет көрсету орталығы» департаменті Еңбекшіқазақ ауданының бөлім басшысы қызметін атқардым. 2020-2021 жылы «Азаматтарға арналған үкімет» мемлекеттік корпорациясы» Еңбекшіқазақ ауданының тіркеу және жер кадастры бөлімі басшысының орынбасары,  2021 жылдан 2022 жылға дейін «Азаматтарға арналған үкімет» мемлекеттік корпорациясы» Еңбекшіқазақ ауданы бойынша бөлім басшысы қызметін атқардым.  2022 жылы Алматы облысы бойынша «Азаматтарға арналған үкімет» мемлекеттік корпорациясы» КЕАҚ филиалы кадр жұмысы басқармасының жетекші сарапшысы қызметін атқардым. 2022-2023 жылдары Жетісу облысы бойынша  «Азаматтарға арналған үкімет» мемлекеттік корпорациясы» КЕ АҚ филиалының әкімшілік-шаруашылық қызмет басқармасының басшысы қызметінде болдым.

Құрметті Түрген ауылдық округінің тұрғындары!

     Түрген ауылдық округі  халқының тұрмыс-тіршілігімен қатар, ауылдың өзекті мәселерімен жақсы таныспын. Алдағы уақытта  ауыл тұрғындарымен  бірлесе отырып, ауылдың өзекті  мәселелерін шешуге жұмыс жасаймын.

          Халықтың әлеуметтік өмірін жақсарту үшін мен болашақта Түрген ауылдық округінің көшелерін жарықтандыруға және ауылдың ішкі жолдарын жөндеуге, сумен, газбен, электрмен жабдықтау, ауылшаруашылық өнімдерін өңдеу кәсіпорындарын ашу мәселелерін шешуге бар күшімді саламын. Бүгін мен бұл мәселелерді қалай шешу керек екендігін және біздің ауылдағы өмірді қалай жақсартуға болатындығын білемін! Бірақ, ол үшін маған сіздердің қолдауларыңыз қажет.

        Маған дауыс берсеңіздер, мен сайланған жағдайда, сайлауалды бағдарламаны жүзеге асыру үшін бар күшімді саламын!

Мені округ əкімі етіп сайласаңыздар,          

алдағы 4 жылда:

Түрген ауылдық округінің көшелерін жарықтандыруға;

Округ бойынша ауылдардың ішкі жолдарын жөндеуге;

 «Жер аманаты» жобасы аясында ауыл тұрғындарының игілігі үшін жайылымдық жерлерді қайтаруға;

Түрген ауылындағы ауызсу, кәріз жүйесіне күрделі жөндеу жұмыстарын жүргізу және ауыз су мен кәріз жүйелерін арнайы мамандандырылған кәсіпорынның теңгеріміне өткізіп беру мәселесін шешуді қолға алу; Елді-мекендердегі ауыл көшелерін жөндеу жұмыстары, аббаттандыру, жарықтандыру мәселесін қарастыру.

        Мен округтің бюджеті шектеулі болғандықтан, қосымша қаржыландыру көздерін іздеу арқылы:

  Елді-мекендерде жастар үшін заманауи жабдықталған спорт және балалар ойын алаңын құруға;

 Ауыл тұрғындарын жұмыспен қамту  мақсатында инвесторларды тартып ауылшаруашылық өнімдерін өңдеу кәсіпорындарын ашуға жолдарын іздестіру;

 Ауылдың экономикасын көтеру мақсатында туризмді дамытуға ат салысуға;

 Шағын кәсіпкерлікті дамыту және «Ауыл аманаты» бағдарламасы бойынша несие алу арқылы халықты жұмыспен қамтуды арттыруға;

 Округтегі кәсіпкерлерге қолдау көрсетіп, жергілікті бюджеттің кіріс бөлігін көтеруге күшімді саламын.

• Ауыл тұрғындарының өмір – сүру жағдайын жақсарту және қолайлы етуге;
• Туған ауылымдағы халқымның әл – ауқатын жақсартуға;
• Ауыл шаруашылығы, агроөнеркәсіпті дамытуға;

• Халықтың құқықтық жəне қаржылық сауаттылығын арттыру аясында «Қарызсыз қоғам» жобасын іске асыруға;
• Ауылдың мәдени және рухани мұрасын насихаттауға үлесімді қосамын.

Мен əрқашан байланыстамын!

Тел / WhatsApp: ++7 777 770 2210

 Құрметпен, Мақсат Аманғалиұлы  Демесинов!

Мен Дауткулов Айдарбек Аянбекұлы, 1974 жылы 19 желтоқсанда Алматы облысы, бұрынғы Шелек ауданы, Октябрь ауылында дүниеге келдім. Ұлтым қазақ. 1982 жылы Абай орта мектебіне барып, 1992  жылы аяқтадым. 1992 жылы Алматы  коммерциялық техникумына түсіп, 1994 жылы Іс-әрекеті  мамандығын  бітіріп шықты. 1995 жылдан бастап 2002 жылға дейін «АЯН» ЖШС басшысының орынбасары болып  жұмыс істедім. 2002 жылдың қазан  айынан бастап 2012 жылға дейін «Филипп Моррис» Қазақстан АҚ компаниясында агроном болып жұмыс істедім. 2012 жылдан бастап, 2022 жылға дейін «Аян» ЖШС-нің басшысы болып жұмыс  атқардым. 2016 жылдан бастап, 2021 жылға дейін аудандық маслихаттың депутаты болдым. 2018 жылы Алматы университетіне түсіп, 2020 жылы Мемлекеттік және жергілікті басқару, экономика және бизнес мамандығы бойынша аяқтадым. 20.10.2022 жылдан бастап қазіргі уақытқа дейін аудан әкімінің кеңесшісі болып қызмет атқарамын.

     Шелек ауылдық округі  халқының тұрмыс-тіршілігімен қатар, ауылдық округтің өзекті мәселерімен жақсы таныспын. Алдағы уақытта  ауыл тұрғындарымен  бірлесе отырып, округіміздің күрделі мәселелерін шешуге жұмыс жасаймын.

Отбасылық жағдайым: Үйленгенмін, 3 балам бар.

     Сайлаулды бағдарламамда: Қазақстан Республикасының Президенті мен Үкіметінің, мемлекетіміз бен қоғамымыздың жан-жақты дамып, еліміздің өркендеуіне бағытталған бағдарламаларын ауылдық округте іске асуын, Республика Президентінің жыл сайынғы Жолдауларын орындауға және осы бағыттағы барлық саясатын қолдауға, сонымен қатар экономикалық – әлеуметтік дамуының стратегиялық бағдарламаларының  жергілікті жерде өз деңгейінде орындалуына күш-жігерімді жұмсаймын. 

      Ел сеніміне ие болған  «AMANAT» партиясының халықтың әл-ауқатын көтеруге бағытталған партиялық жобаларының ауылда іске асуын қамтамасыз етемін.

      Шелек ауылдық округі – тарихы терең тамырланған, отыздан астам ұлт пен ұлыстың өкілдері мекендеген ірі де, іргелі мекен. Географиялық-экономикалық жағдайы – «Батыс Еуропа – Батыс Қытай» Халықаралық жол бойына орналасқан, келешегі кемел – болашағы зор елді мекен. Сондықтан да, ауылымыздың заман талаптарына сай көркейіп, дамуына ерекше атсалысамын. Атап айтқанда ауылда орталықтандырылған сапалы ауыз тарту мен кәріз жүйесін тарту жұмыстарын аяқтауға, ауылдағы 131 көшенің толық күрделі және орташа жөнделуі мен жарықтандырылуына, орталық саябақтардың қайта жаңғыруына, қоғамдық орындардың абаттанырылуына, әлеуметтік нысандар мен көпқабатты үйлердің күрделі жөндеуден өтіп абаттандырылуына, көшелерді көгалдандыруға, ауыл аумағының ұлғайып, халық санын арттыру мақсатында жеке тұрғын үй құрылысын жүргізуге жер телімдеріне инфрақұрылым жасауға және ең бастысы, тәртіп пен тазалықтың орнығуына көңіл бөлемін.

 Еліміздің болашағы жастардың қолында. Олардың жан-жақты дамыған азамат болып өсуі үшін білім ордаладының сапалы білім, саналы тәрбие беруіне белсене араласамын. Осы бағытта бүгінгі талапқа сәйкес, мемлекеттік бағдарламалар аясында заманауй балалар бақшасы мен мектептердің ашылуына мүмкіндік жасауға тырысамын. Сондай ақ жастардың спортпен айналысып, саламатты өмір салтын ұстануына барлық жағдай жасап, спорт алаңдарының жасақталуына және спорт мектептері мен кешенінің жұмысының жандануына ықпал етемін.

      Дені сау ұлт қана ел келешегінің кепілі бола алады. Осы орайда ауылда орналасқан ауруханалар мен емхананың ауыл тұрғындарының саулығы үшін қызмет көрсетуін қадағалап, ғимараттарының күрделі жөндеуден өтуіне және жаңа орталық аурухананың салынуына баса назар аударамын. 35 346 тұрғынның жаңа туған нәрестеден 16 жасқа дейінгі балалар арасында көптеген мүмкіндігі шектеулі азаматтар бар. Тағдыр тауқыметін тартқан осындай жандарға арнап, заман талабына сай жабдықталған оңтайландыру орталығын ашуға атсалысамын.

     Татулық пен ынтымақтастық – Тәуелсіздіктің берік тірегі екендігі баршамызға аян. Бұл ретте, Мемлекет басшысысының жүргізіп отырған ұлтаралық келісімнің сақталуын, Шелектіктердің тату-тәтті, ынтымақта өмір сүруіне, салт-дәстүрлердің дамып, қайта жаңғыруына, отансүйгіштік қасиеттің қастерлернуіне бар күшімді саламын.

    Елдігіміздің айбары, егемендіктің айғағы болған мемлекеттік рәміздер: Елтаңба, Ту мен Гимнді қастерлеуге, мемлекеттік тілдің қолдану аясын кеңейту жолында еңбек етемін.

    Тұрғындардың әлеуметтік жағдайын жақсарту және жұмыссыздық мәселесін шешу үшін шағын және орта кәсіпкерлікті дамытуға, жаңа жұмыс орындарының ашылуына, инвесторлардың көптеп келуіне ықпал етемін.

Әлеуметтік жағынан аз қамтылған отбасылары мен мүмкіндігі шектеулі жандарға, ардагерлерге барынша көмек көрсетілуін назарда ұстаймын.

     Осы сайлау алды бағдарламамның орындалуына және басқа да өзекті мәселелердің оң шешімін табуы үшін бар күшімді салып, қызмет етемін.

Мені ауыл əкімі етіп сайласаңыздар,

алдағы 4 жылда:

  Шелек ауылдық округінің көшелерін жарықтандыруға;

Округ бойынша ауылдардың ішкі жолдарын жөндеуге;

 Шелек ауылында тартылып жатқан ауыз су жүйесінің сапалы  салынуын қамтамасыз етуге;

  Шелек ауылында тартылып жатқан кәріз су жүйесінің сапалы  салынуын қамтамасыз етуге;

  Шелек ауылының электр желілері мен бағаналарын толық ауыстуруға жұмыс жасауға;

  Шелек ауылының орталық көшелерін күрделі жөндеуден өткізіп, көгалдандыру және абаттандырылуын қамтамсыз етуге;

 Күрделі жөндеуді қажет ететін әлеуметтік нысандарға жөнеу жұмыстарын жүргізуге;

  Жаңа әлеумкеттік нысандардың бой көтеруіне ықпал етуге;

  Саябақтарға абаттандыру жұмыстарын жүргізуге;

  Ауыл шаруашылығы мақсатындағы жерлерге суғару жүйелерін қамтамасыз етуге;

        Мен округтің бюджеті шектеулі болғандықтан, қосымша қаржыландыру көздерін іздеу арқылы:

  Шелек ауылында жастар үшін заманауи жабдықталған спорт және балалар алаңын құруға;

 Ауыл тұрғындарын жұмыспен қамту  мақсатында инвесторларды тартып кәсіпорындар ашылуына;

 Ауылдың экономикасын көтеру мақсатында туризмді дамытуға ат салысуға;

 Шағын кәсіпкерлікті дамыту және «Ауыл аманаты» бағдарламасы бойынша несие алу арқылы халықты жұмыспен қамтуды арттыруға;

 Округтегі кәсіпкерлерге қолдау көрсетіп, жергілікті бюджеттің кіріс бөлігін көтеруге

• Бос тұрған ғимараттардың іске қосылуын
• Шаруа қожалықтарының тиімді жұмыс жасауына көшуге
• Заңды тұрмыстық қатты қалдықтар жинайтын орын ашуға

күшімді саламын.

• Ауыл тұрғындарының өмір – сүру жағдайын жақсарту және қолайлы етуге;
• Ауыл халқының әл – ауқатын жақсартуға;
• Ауыл шаруашылығы, агроөнеркәсіпті дамытуға;

• Халықтың құқықтық жəне қаржылық сауаттылығын арттыру аясында «Қарызсыз қоғам» жобасын іске асыруға;
• Ауылдың мәдени және рухани мұрасын насихаттауға

үлесімді қосамын.