Мәслихаттың 25 жылдығына орай салтанатты жиын өтті аудан әкімдігінің мәжіліс залында. Оған аудан басшысы Бинәлі Ысқақ бастаған мемлекеттік қызметшілер, аудандық мәслихат депутаттары мен алғашқы шақырылымдарында депутат болған еңбек ардагерлері қатысты. Жиынды аудандық мәслихат хатшысы Бекет Ахметов ашып, жүргізіп отырды.

Ашылуында алғаш сөз ал-ған аудан басшысы Бинәлі Әбдіқапас-ұлы мәслихаттың қоғамдағы рөлін айшықтап айтты. – 1994 жылы 7 наурызда Қазақстан Республикасының бірінші шақыры-лым депутат-тарының сайлауы болды. Содан бері халық пен билік арасын жалғап, елдік мүддені мүлт жібермей қорғап жүрген мәслихат депутаттары ширек ғасыр ішінде «халық қалаулысы» деген мәртебелі атаққа ие болды.Мәслихаттар – жергілікті тұрғындар ойын, қалауын білдіруші әрі өз құзіреті шегінде жеке әрекет етуші мемлекеттік орган болып танылды. Қазіргі таңда ауданымызда 23 мәслихат депутатынан келіп түскен сауалдардың бірде-бірі қағаз астында қалған жоқ. Бәрі де шешімін тапты, күрделі мәселелер күн тәртібінде тұр, – дей келе барша халық қалаулыларын мәслихаттың 25 жылдығымен құттықтады. Барша депутаттарға мерейтойлық медальдарды кеуделеріне тағып, әр деңгейлі Құрмет грамоталарын табыс етті.

Алдыңғы шақы-рылымдарда аудандық, облыстық мәслихат депутаты болған Хайролла Ахметжанов мінберге көтеріліп барша әріптестерін ме-рейлі мерекелерімен құттықтады: – Қазір жылдар өткен сайын халықтың тұр-мыс-тіршілігі түзеліп келеді. Осы арқылы еліміздің гүлдену жолына қадам басқанын көре аламыз. Осынау мәртебелі мандатты кеудемізге тағып жүрген кездері сайлаушылар арасында жеке бас мәселесі көп айтылатын. Қазір мүлдем басқа, округ деңгейіндегі келелі мәселелер көтеріледі. Жуырда ғана Есік қаласының маңайындағы ауылдардан телефон арқылы да, хат арқылы да алғыстар келіп түсті. Бәрінің мәтіні бір: көптен күткен ауыз су мәселесі жолға қойылды дейді. Бұл ретте әрине халық қалаулылары мен жергілікті атқарушы биліктің арасындағы тығыз байланыс нәтижесінде шешілген түйін. Сондықтан осындай елдің алғысын арқалауды жазсын сіздерге, – деді.

Салтанатты жиын соңында барша депутаттар мен аудан басшысы  естелік суретке түсті.

Өз тілшіміз