Жұма, 10 Сәуір 2020 08:49

Өлеңмен өрілген өмір

Бұрынғы КСРО, қазіргі Қазақстан жазушылар одағының мүшесі, ақын Жамшит Розахунов биыл 70 жасқа толды. Байсейіттік жерлес ақынның аталмыш мерейжасына орай Шелек модельді ауылдық кітапханасында кітапханашы Артықкүл Адамбекованың ұйымдастыруымен  жастарға патриоттық рух беріп, адамгершілік қасиеттерге баулу, отансүйгіштік, сүйіспеншілік сезімін ояту мақсатында «Туған жерге туыңды тік» акциясы аясында мектеп оқушыларымен кездесу өткізді. «Халқы үшін туған жан» атты бұл шығармашылық басқосуға жергілікті ақын, Қазақстан журналистер одағының мүшесі Анарбек Бердібаев пен «Еңбекшіқазақ» аудандық газетінің Шелек өңіріндегі тілшісі Нұрсерік Тілеуқабыл шақырылды.

Жамшит Розхунов Кубань Ауылшаруашылық институтын, кейін Абай атындағы Қазақ ұлттық мемлекеттік педагогикалық университетін бітіреді. Қазақстан ЛКЖО Шелек аудандық комитетінің екінші, сосын бірінші хатшысы болып қызмет етті. Алматы жоғарғы партия мектебін оқып бітіргеннен соң, Шелек аудандық партия комитетінің ауылшаруашылығы бойынша бөлім меңгерушісі, екінші хатшы, «Бартоғай» кеңшарының директоры, Ұйғыр аудандық партия комитетінің бірінші хатшысы, Алматы облыстық жан-жануарларды қорғау инспекциясының инспекторы болып қызметтер атқарса, зейнетке шыққанға дейін «ӘМӘТ» шаруа қожалығын басқарды. Осындай лауазымды жұмыстарды атқара жүріп, өлең жазумен де айналысты. Мәскеудегі «Советский писатель» баспасынан «Ветви Чинара», «Священный край» ұжымдық жинақтарда өлеңдері жарияланды. Сонымен қатар, Алматыда «Жазушы» баспасынан «Бәйшешек», «Бір уыс топырақ»,   «Жылдар жыры», «Менің дутарым», «Жолдар бітпейді», «Ой тамшылары», «Аққуар қайтқанда» атты жыр жинақтары жарық көрді. Жергілікті қаламгер Анарбек Бердібаев ақынның қазақ тіліне аударған өлеңдерін де оқушылар мәнерлеп оқыды.

Ақынның «Өткен күн» өлеңінде:

«Ұялып әзер шыққан күн,

Қызарып және батады.

Қараңғы түнек басқан түн,

Көңілді ойға тартады.

Тірлікке толы әр күнім,

Өтті ме, әлде, құр босқа?

Өткен күн жазған - бар жырым, 

Ашылған гүлім сыр – бақта.

Бітірген ісім қаншалық?

Көтерген жүгім ауыр ма?

Жыр – гүлім тұрса жайқалып,

Нәр алар жүрек – тамырдан.

 Өткен күн – тағдыр көп көрген.

Маржан сөз жырдан тергенім.

Жемісім – өмір өткерген,

Рухани байлық сенгенім.

Мейлі ол шықсын көңілден,

Болмасын мейлі күткендей.

Сезінбен қысқа өмірден,

Бір күнім бекер өткендей» – дейді.

Енді, төрттаған шумақтарын оқып көрелік:

«Міндетсіп берген тағамнан,

Құрметпен берген ас артық.

Ақылсыз егде адамнан,

Саналы өскен жас артық»

Немесе:

Досына қолұшын бермегеннің,

Пайдасы елге тиер деймісің.

Игілік жолмен жүрмегеннің,

Өзгеге жаны күйер деймісің.

Ақынның поэзиясы жан-жақты  баллада, поэма, сонет, рубаий, монолог, диалог  түріндегі жанрларда туған жер, ел, Отан, достық, табиғат, махаббат, өмір, заман жайлы ой толғайды.

Кеш соңында Ж.Розахунов сөз сөйлеп, кітапханашыларға алғысын айтып, оқушыларға үлкен азамат болып, бақытты ғұмыр кешулерін тілеп, батасын берді. Өлеңдерін оқып, өмірі жайлы әңгімелеп берді.

 

Анарбек МӨКІШҰЛЫ,

ардагер журналист

Оқылды 257 рет
Осы категориядағы басқа материалдар: « Өлеңмен өрілген өмір Абай – қазақтың бойтұмары »

Соңғы жаңалықтар

Қар 27, 2020

Қоршаған ортаға құрметпен қарау –…

Соңғы онжылдықта туризм үздіксіз дамып, әлемдік экономиканың ең қарқынды өсіп келе жатқан…
Қар 26, 2020

Қаражотадағы қордаланған түйткілдер

23 қарашада аудан басшысы Қуанышбек Қашқымбаев іс-сапармен Қаражота ауылдық округіне…
Қар 26, 2020

АХМЕТ БАЙТҰРСЫНҰЛЫ – АДАМДЫҚ ПЕН…

Сыбайлас жемқорлыққа қарсы іс-қимыл агенттігінің бастамасымен «Ахмет Байтұрсынұлы –…
Қар 26, 2020

0,4% – Алматы облысындағы COVID-19…

Алматы облысында коронавирус инфекциясының өсу қарқыны тәулігіне 0,4% құрады. Бұл туралы…
Қар 26, 2020

Абай дара қазақта

Абай Кұнанбайұлы 1845 жылы қазіргі Шығыс Қазақстан облысындағы Шыңғыс тауының бауырында…
Қар 26, 2020

ШЕТЕЛДЕН НӘПАҚА табудың несі айып?

 Адамзат өркениетіне өшпес із қалдырған көшпенділер өмірі тарихтың қойнауында қалды.…
Қар 26, 2020

Көпбалалы аналарға кеңес берлді

Бүгін аудандық мәслихат депутаты Қайнар Жұмағожа «Nur Otan» партиясының «Бақытты отбасы»…
Қар 26, 2020

Экспорт, импортозамещение,…

«Для укрепления нашей государственности я выдвигаю пять институциональных реформ», -…
Қар 26, 2020

Кітапханашылар марапатталды

Байлықтың ең үлкені – рухани байлық дейміз. Ал сол рухани байлықтың негізгі қоры…

Күнтiзбе

« Қараша 2020 »
Дс Сс Ср Бс Жм Сб. Жк
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет