Бейсенбі, 17 Маусым 2021 14:22

Шелек ауылында республикалық турнир өтті

Қазақстан Республикасы Тәуелсіздігінің 30 жылдығын мерекелеу аясында кикбоксингтен әлем кубогінің иегері, Еуропаның екі дүркін чемпионы, Азия чемпионы Елмұрат Қайыпжановтың жүлдесіне арналған бокстан Республикалық үшінші ашық турнир өтті.

Жарыстың құрметті қонақтары ретінде аудандық мәслихат хатшысы Бекет  Ахметов, «Nur Otan» партиясы аудандық филиал төрағасының бірінші орынбасары Қуат Байғоджаев, «Жомарт жүрек» медалінің иегері, Еңбекшіқазақ ауданының құрметті азаматы, спорт жанашыры Жангелді Осан, Шелек ауылдық округінің әкімі Сакен  Абдыхалықов, «Жекпе-жек» федерациясының президенті Сабыржан  Махметов, Қазақстан Республикасының еңбек сіңірген жаттықтырушысы Тұрсынғали Еділов,  «Alash Pride» жекпе-жек клубының президенті Данияр Каскарауов, ауданымыздың Шелек өңірінің спорт саңлақтарын тәрбиелеген жаттықтырушылар жарыстың ашылу салтанатына қатысты.

– Ауданымызда осындай  тартысты жарыстардың жиі өткізілуі көңіл қуантарлық жағдай. Саламатты өмір салтын насихаттауда, қалың бұқараны спортқа жаппай тартуда мұндай турнирлерді ұйымдастырудың маңызы зор. Қазақ спортының өркендеуіне септігін тигізген спорт шеберлерінің жүлдесіне арналған турнирлерді өткізу арқылы жас ұрпаққа ауданымыздың спорт саңлақтарын насихаттаймыз, – деді мәслихат хатшысы Бекет Ахметов.

Байрақты бәсеке Шелек ауылының мәдениет үйінде өтті. Жыл өткен сайын жарыстың даңқы алысқа жетіп жатыр. Сенбі күні аяқталған бұл жарыста  чемпиондарға «Спорт шеберіне үміткер» атағы берілді. Сонымен қатар үздіктер ел құрамасына өтіп, Азия біріншілігіне қатысуға мүмкіндік алып отыр.

Елмұрат Қайыпжанов атындағы республикалық жарыстың мақсаты –  талантты спортшылардың шеберліктерін арттырып,  спорт дүлдүлдерін жарыққа шығару. Осымен үшінші мәрте ұйымдастырылған дүбірлі додаға еліміздің 11 облысынан 174-ке тарта жас боксшы қатысты. Командалық есепте бас жүлдені Алматы облысы, екінші орынды Түркістан облысы, үшінші орынды Тараз қаласы, төртінші орынды Алматы қаласының командасы,  ШҚО командасы және Нұр-Сұлтан қаласының командасы иеленді. Сонымен қатар 15 спортшы «Спорт шеберіне үміткер» атағын иеленді. Жарыс жеңімпаздары демеушілердің бағалы сыйлықтарымен марапатталды.

– Жарыстың басты мақсаты  –  болашақтың тұтқасы болар отансүйгіш, жігерлі ұрпақ тәрбиелеу. Бүгінгі жас спортшыларымыз қазақ спортының биікке көтерілуіне елеулі үлес қосқан чемпиондарымыздың жолын жалғайды деп ойлаймын. Сондықтан да ер-азаматтарымыздың намысын оятып, рухын көтеруде бұл жарыстың маңызы зор, – дейді Елмұрат Мұқашұлы.

 

Ілия СҰЛТАН

Оқылды 1617 рет
Осы категориядағы басқа материалдар: « Бадминтон для… бокса Турнир тартысты өтті »

Соңғы жаңалықтар

Мам 16, 2024

Алматы облысы Еңбекшіқазақ ауданы…

Құрметті Есік қаласының сайлаушылары! Мен, Кураметов Жан Бауыржанұлы, 1989 жылы Жамбыл…
Мам 16, 2024

АЛАШТЫҢ Ардақты азаматы

«Құдай» қайта қиыпты жерге сені, Көгіме де керек деп бермес еді. Жерге де ортақ бір бала,…
Мам 16, 2024

Семья под защитой закона

Проблема семейно-бытового насилия актуальна в общемировом масштабе. Не является…
Мам 06, 2024

Көрікті көлге көңіл бөлінді

Бүгін «Таза Қазақстан» экологоиялық акциясының аясында Есік көлінде «Мөлдір бұлақ»…
Мам 04, 2024

Еңбегіңді арнай білсең ел үшін, Сол…

 Ел қорғанысының әлсіз болуға еш хақысы жоқ. Әлемде геосаяси мәселелер өршіп тұрған шақта…
Мам 04, 2024

Танк жүргізуші ТЕМІРҚҰЛОВ

Ұлы Отан соғысы кезіндегі алмағайып заманда, от пен оқтың ортасында жүрген жауынгерлердің…
Мам 04, 2024

«АЙБЫН» ордені БАТЫРЛАР есімімен…

«Адал адам – адал еңбек – адал табыс» тақырыбында өткен Ұлттық құрылтайдың үшінші…
Мам 04, 2024

«АЙБЫН» ордені БАТЫРЛАР есімімен…

«Адал адам – адал еңбек – адал табыс» тақырыбында өткен Ұлттық құрылтайдың үшінші…

Күнтiзбе

« Мамыр 2024 »
Дс Сс Ср Бс Жм Сб. Жк
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет