Бейсенбі, 22 Тамыз 2019 14:24

Бәйтеректегі тынымды тірліктер

Сапалы ауыз су, қолжетімді баспана, тегіс жол. Аймақтарға осындай игілік сыйлайтын «Өңірлерді дамыту-2020» бағдарламасы бүгінде өңірлерімізге әр беріп, ауылдардың бойына қан жүгіртіп, тұрғындардың тіршілігін оңалтты. «Аймақтарды дамыту», «Моноқалаларды дамыту», «Ақбұлақ», «Тұрғын үй-коммуналдық шаруашылықты жаңғырту», «Қолжетімді баспана-2020» сынды бірқатар шағын бағдарамаларды қамтитын аталған бағдарлама бойынша бүгінде барлық ауылдарға қаржы бөлініп, ауқымды жұмыстар атқарылуда.

Аталған бағдарлама негізгі төрт бағытты дамытуға бағытталған. Әр макроөңірге арналған инвестициялық басымдықтар, еліміздің аумақтық дамуын жетілдіру, инженерлік инфрақұрылымды және тұрғын үй-коммуналдық шаруашылықты жаңғыру, халықты ауыз сумен және су бұру қызметтерімен тиімді әрі ұтымды қамтамасыз ету. Бағдарламаның арқасында осы аталған игіліктер бірнеше жылдан бері аудан аумағында жүзеге асып, шалғайдағы қаншама ауылдарды гүлдендірді. Ауданның кіреберісіндегі Бәйтерек округінің тұрғындары да бағдарламаның шапағатын көріп отыр. Ауыз су жүйесі жаңғыртылып, тозығы жеткен жолдар жөнделуде. Ауылдың абаттандырылуы мен тазалығы да назардан тыс қалмаған.

Тарқатып айтар болсақ, биылғы жылы «Өңірлерді дамыту-2020» бағдаламасы аясында Бәйтерек ауылдық округіне 10 млн теңге бөлінген. Аталған қаржы жергілікті қауымдастық өкілдерімен ақылдаса келе, Алға ауылындағы су құбырын жөндеуге жұмсалуда. Қазіргі уақытта ағымдағы жөндеу жұмыстары басталып кеткен.

– Алға ауылындағы Жамал көшесінің тұрғындары осы күнге дейін тіршілік нәрінен таршылық көріп келді. Бүгінде мердігер «Асыл-Тау» жауапкершілігі шектеулі серіктестік аталған көшеге жаңадан су құбырын тартып жатыр. Жақын арада алғалықтар сапалы ауыз сумен қамтылатын болады – дейді округ әкімі Айбек Нұрланов.

Былтырғы жылы аталған бағдарлама бойынша округке 17 млн теңге қаражат бөлінген. Мердігер мекеме аталған қаржыға Бәйтерек ауылындағы Школьная көшесінің 2300 шаршы метрін, Советская және Победа көшелерінің 3333 шаршы метрін жөндеуден өткізіп, асфальт төсеген. Сонымен қатар, Бәйтерек – Қойшыбек – Алға тас жолының 13 шақырымына ағымдағы жөндеу жасалған.

Округ басшысының айтуынша, ауылдағы тазалық пен абаттандыру жұмыстары да күн тәртібінен түскен емес. Биыл бюджеттен абаттандыруға 3 млн 100  мың теңге және санитарлық тазалыққа 1 млн 700 мың теңге ақша бөлінген. Бұл бағытта Алматы – Көкпек – Көктал тас жолының бойына тазалық жұмыстары жасалып, ауылды көркейту жұмыстары жасалған.

Сондай-ақ, «Дипломмен ауылға» келген жас мамандар да қолжетімді баспанаға ие болған. Бәйтеректегі әл-Фараби атындағы орта мектептің бес бірдей жас маманы «Қолжетімді баспананың» иегері атанған.

Ауылға жағдай жасау мұнымен шектелген жоқ. Осыған дейін ескірген әлеуметтік нысандар жөндеуден өтіп, қайта жаңғырған болатын. Игі шара биыл да жалғасын тапқан. Бәйтеректегі «Жұлдыз» балабақшасының ағымдағы жөндеу жұмыстарына бюджеттен 7,5 млн теңге бөлінген. Қазіргі уақытта конкурс жарияланып, өткізілуде. Жеңімпаз анықталған жағдайда мектепке дейінгі мекеменің электр жүйелері жаңартылып, шатыры жөнделмек.

– Округіміз жыл сайын көркейіп, аумағы ұлғая түсуде. Әрине, бұл Елбасы негізін қалаған сарабдал саясаттың жемісі. Соңғы жылдары округімізде жаңа екі бірдей мектеп бой көтеріп, бір оқу ордасы күрделі жөндеуден өтті. Денсаулық сақтау нысандары да жаңартылды. Елбасының тапсырмасына сәйкес ауылішілік жолдар жөнделіп, қарым-қатынас көзі ретке келтірілуде. Нәтижесінде ауылымыздағы жас, білікті мамандардың саны артып, көркейіп келеді. Әсіресе, «Өңірлерді дамыту-2020» бағдарламасының арқасында кеңес үкіметі тұсынан жөндеу көрмеген көшелерге асфальт төселіп, тұрғындардың қуанышы еселенуде – дейді Айбек Нұрланұлы.

 

Сардарбек НҰРАДИН.

Оқылды 5717 рет

Соңғы жаңалықтар

Нау 18, 2024

Құрылтай

Кешегі Атырау қаласында өткен Ұлттық құрылтайда Президент Қасым-Жомат Тоқаев күн…
Нау 14, 2024

Түйінді түйіткілдер оң шешімін…

Жуырда аудандық мәслихаттың тұрақты комиссияларының бірлескен отырысы өтті. Отырыстың күн…
Нау 07, 2024

Аудан әкімінің міндетін атқарушы …

Ардақты ақ жаулықты аналар, аяулы арулар! Сіздерді 8 наурыз – Халықаралық әйелдер күні…
Ақп 22, 2024

Отбасы – тәрбие бастауы

Жақында Азат орталау мектебінде Рахат округінің аналар кеңесінің төрайымы Райхан…
Ақп 22, 2024

Ерлік – елге мұра, ұрпаққа ұран

Кеңес әскерінің Ауған жерінен шығарылғанына 35 жыл толуына орай Есік қаласында ауқымды…
Ақп 21, 2024

Алматы облысы Еңбекшіқазақ ауданы…

Мен Тустукбаев Бағлан Ахихатұлы, 1989 жылы 7 сәуірде Алматы облысы, Еңбекшіқазақ ауданы,…
Ақп 21, 2024

Алматы облысы Еңбекшіқазақ ауданы…

Мен, Әділхан Азамат Әділханұлы, 1993 жылы 11 қаңтарда Алматы қаласында дүниеге келдім.…
Ақп 21, 2024

Алматы облысы Еңбекшіқазақ ауданы …

Мен Тойғанбеков Бақберген Бауыржанұлы 1988 жылы 21 сәуірде Еңбекшіқазақ ауданы Көктөбе…

Күнтiзбе

« Наурыз 2024 »
Дс Сс Ср Бс Жм Сб. Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет