Бейсенбі, 16 Мамыр 2019 11:48

Жеңіске бір ай қалған еді

Жеңіске бір ай қалған еді mezet.kz

 

«Өмірдің әрбір сәті таңғажайып» деп аударып едім еркіндеу түрде неміс классигі Гетенің «Остановись мгновенье – ты прекрасно» деген орысшаланған жолдарын. Мына суреттегі 20-25-тегі жас жігіттердің көңілді күйінен бірден ажыратуға болады соғыстың қай кезінде түсірілген фотосурет екенін. «Восточная Пруссия, г.Кёнигсберг, март 1945 г.» деген жазудан-ақ сұрапыл соғыстың аяқталуы да жақын екенін, қан майданнан аман өтіп, елдеріне оралғалы тұрған жауынгерлердің көңіл-күйін қалай ғана әдемі кадрмен жеткізген десеңші фотосуретші. Гимнастеркаларына гвардиялық белгі, медаль таққан алты жауынгердің алдыңғы қатардағы сол жағындағы жас қазақ ауданымыздың Талдыбұлақ ауылының азаматы Шоман Иманбаев соғыстан аман оралып, еңбек етті, отбасын құрып, балалы-шағалы болды. Немере сүю бақытына кенелді. Ұрпақтарының алдында бақилыққа аттанды. Ал ұлы Төлеген Шоманұлы осыдан бірнеше жыл бұрын Талдыбұлақ ауы-лына соғыс ардагерлеріне, оралмаған боздақтарға арнап ескерткіш қойды.

Осы суреттегі Шоман Иманбаев «Біз де жас болғанбыз. Қолға қару алып, елімізді жарақты жау-дан қорғап қалғанбыз. Бейбіт өмірді сақтаңдар!» деп тұрғандай ұрпақтарына.

 

Хайролла АХМЕТЖАНОВ.

Read 214 times
Copyright © 2014 Меншік иесі: ТОО "Еңбекшіқазақ" Есік қаласы, Алматы обласы № 4270-Г

 Выходные данные

Жарнама

для детей, достигших 12 лет