Бейсенбі, 12 Наурыз 2020 10:00

Аналарға арнау

Маңдайыңнан марттың күні өпкен мың,

Жырлау үшін жер түбінен жеткенмін.

О, аналар, жүздеріңнен айналдым,

Шуағындай көктемнің.

 

Пайғамбардан бәсі биік тұратын,

Аналарды мәңгі жырлау мұратым.

Анашым деп жыр жазбаған сәті жоқ,

Анасына басын иген ұлы ақын.

 

Алла жолын әр қадамың даралар,

Ақ жаулығың болмысыңды саралар.

Арқауысың таусылмас жыр жолының,

Күндей нұрлы, гүлдей нәзік аналар.

 

Жүрегіңде жүйткіп аққан жылы ағын,

Жыр арнады жел тербеген құрағың.

Ортамызда есен-аман жүріңдер,

Болашақтың алаулатып шырағын.

 

Қуанәлі Алмасбекұлы,

Шелек тарихи-өлкетану музейінің қызметкері

Read 130 times
Copyright © 2014 Меншік иесі: ТОО "Еңбекшіқазақ" Есік қаласы, Алматы обласы № 4270-Г

 Выходные данные

Жарнама

для детей, достигших 12 лет