Аудандық жастар ресурстық орталығы және еріктілердің ұйымдастыруымен, кәсіпкер Нұршат Ержанның қолдауымен әлеуметтік жағдайы төмен, көпбалалы отбасындағы жасөспірімдер Алматыдағы саябаққа барды.
Саябақтың сәнін тамашалаған балдырғандар өз қуаныштарын жасыра алмады. Сонымен қатар жасөспірімдер Есік қаласындағы «Алтын адам» музейін тамашалау мүмкіндігіне ие болды. Олар мұаражайда өңіріміздің тарихи, мәдени тынысымен танысты. 65 баланы қамтыған шара барысында балаларға екі уақыт тамақ, тәттілер мен сусындар үлестірілді. Әртүрлі ойындар ойнатылып, жас бүлдіршіндерге арнайы дайындалған сыйлықтар таратылды. – Қамкөңіл жастарға осындай қуаныш сыйлаған ұйымдастырушыларға, қолдаушы кәсіпкер Нұршат Ержанға алғысымыз шексіз, – дейді бүлдіршіндердің ата-аналары.
Арайлым БАҚБЕРГЕНҚЫЗЫ,
аудандық жастар ресурстық
орталығының маманы