Бейсенбі, 19 Қараша 2020 15:49

Праймериз үздіктері анықталды

Татулығы мен сайын даласы талайды тамсандырған Тәуелсіз елімізді де Тәжді вирустың алауы шарпып өтті. Алайда, алапат дауылды да, дүбірлі дабылды да көрген қазақ даласы еңсесін түсірмеді. Бірлік – тірегіміз, мақсат – межеміз болып, алға қарай адымдап келеміз. Әрине, мұнда көптің тілеуі бар. Ұлы дала ғұламасы Жүсіп Баласағұни айтқандай «Адамға оның ақылы ғана дос». Мұндайда дана қазақ: «Ақылдылықпен ел биле, бiлiмдiлiкпен жұртты аузыңа қарат» деген екен. Талайдың қаламына күш бітірген Nur Otan партиясының праймериз додасы да тәмам. Ұтқыр ой, ұтымды пікірімен елді елең еткізген үздік 20-сы Алматы облыстық мәслихат депутаттығына және мәжіліске үміткерлер ретінде ашық алаңға көтерілді. Аудандық дене шынықтыру және сауықтыру кешенінде өткен кезектен тыс ХХІІ партия конференциясында бұдан өзге үш мәселе қаралды. Саралайық...

Келелі кеңеске 61 делегат қатысты. Конференцияны аудандық партия төрағасының бірінші орынбасары Қуат Байғоджаев жүргізді. Бірінші мәселе – Nur Otan партиясы Еңбекшіқазақ аудандық филиалының сайлауалды бағдарламасын бекіту. Осы ретте аудан әкімі, партияның аудандық филиал төрағасы Қуанышбек Қашқымбаев баяндама оқыды.

– Партияішілік праймеризде кіл мықтылар халық алдында ашық пікір-таласқа түсіп, ел ішінде тұралап тұрған түрлі мәселелерді көтерді. Бүгінде ауданымыз бойынша ашық алаңда айтылған 33 мәселе партияның сайлауалды бағдарламасына еніп отыр, – деген Қуанышбек Қалиұлы екінші кезеңге өткен үміткерлерге сәттілік тіледі.

Күн тәртібіндегі екінші мәселе – аудандық мәслихат депутаттығына кандидаттардың тізімін бекіту. Таратылып берілген тізім бойынша көпшілік дауыстарын берді. Сол секілді партияның Алматы облыстық филиалының ХХІІ кезектен тыс конференциясына 6 делегат сайланды.

Күн тәртібіндегі төртінші мәселе: ашық дебат алаңы. Жүзден жүйрік шыққандар еліміздегі, ауданымыздағы түйткілді мәселелердің көбесін сөкті. 61 делегат алдында 20 үміткер пікір алмасты. Бір жарым сағатқа созылған ашық алаң қорытындысында делегаттар онлайн дауыс беру арқылы өз таңдауларын жасады. Нәтижесінде, 85 пайыз дауыс жинаған Ерік Абитов мәжіліс депутаттығына кандидат ретінде облыста өтетін ашық пікір алаңына жолдама алды. Ал Г.Құраметова, А.Ілебай, Қ.Жұмағожа, В.Крылов, А.Әбіт, Р.Ибдиминов, Ж.Әбдіқадырова, Д.Шоқпаров, Қ.Дәуітәлі, С.Бекқожа және Б.Малдыбаев Алматы облыстық мәслихат депутаттығына кандидат ретінде тіркелді.

 

Қайнар ЖҰМАҒОЖА

Оқылды 36 рет

Соңғы жаңалықтар

Қар 23, 2020

Үй сатылады

Қар 23, 2020

Әкем салған сара жол

Әкем салған сара жол Алпыстан жасым асса да, Әкешім естен кетпейді. Бақилық болып кетсе…
Қар 23, 2020

Парасат падишасы

Менің Денсаулық сақтау министрлігіне ауысқаныма 2 жылдан асқан кез еді. Алматыда ешкімді…
Қар 23, 2020

Ақшиім – алтын бесігім

Жақында Ақши ауылына қарасты «Үміт» бөбекжай балабақшасының меңгерушісі Гулбану…
Қар 23, 2020

Почти на 6% снизилось количество…

С начала года на территории области зарегистрировано 1220 пожаров, что по сравнению с…
Қар 23, 2020

Массовое новоселье празднуют в селе…

Всего 2 года назад, по указу Елбасы, в Алматинской области на один район стало больше.…
Қар 23, 2020

Өнерлі өрге жүзер

Әр адамның өзінің бойына ерекше біткен таланты болады. Соның бірі – өнер. Осы өнер арқылы…
Қар 23, 2020

Парасат падишасы

Менің Денсаулық сақтау министрлігіне ауысқаныма 2 жылдан асқан кез еді. Алматыда ешкімді…
Қар 21, 2020

Рәміздерге құрмет – баршаға міндет

Бүгін «Nur Otan» партиясы жанындағы сыбайлас жемқорлыққа қарсы қоғамдық кеңес мүшелері…

Күнтiзбе

« Қараша 2020 »
Дс Сс Ср Бс Жм Сб. Жк
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет