Бейсенбі, 11 Мамыр 2017 12:11

Талғамы биік талант

Сазы сөзі мәңгілік  мағыналы

Атыңнан айналайын халық әні

Қанша тыңдап келсем де бір өзіңді,

Тыңдай алмай келемін қанып әлі – деп ақындарымыз  жырлағандай, халық әндері қаны қазақ, жаны қазақ адамды ешқашан жалықтырған емес. Себебі ұлтымыздың шынайы болмысын боямасыз бойына сіңірген дәстүрлі әндеріміз – әуезді әуендерімен, ұғынықты сөздерімен жаныңа сырлы сезімдер мен рухани күш сыйлайды. Сондықтан болар, әншімін деп жүрген талайлар халық әндерін қарық қылып орындай алмайтынын, айт десе батылдары бармайтынын көріп жүрміз. Оны сахнада орындау – табиғи  таланты мен терең білімі бар және қазақы ұлттық құндылықты бойына сіңіріп өскен әншіге тиесілі. Дәстүрлі әнді дәріптеп, мәдениет саласында аянбай еңбек етіп жүрген  әншінің бірегейі, ауданымыздың бетке ұстар бұлбұлы  Арайлым Мамырбекқызы деп білеміз. Қасиетті ән өнеріне ғұмырын арнаған әнші Қаракемер мәдениет үйінде «Ән ғұмыр» атты шығармашылық кешін  өткізді жуырда.

 

Дәстүрлі әнші, жетігенші, сазгер, Ш.Қалдая-қов, К.Әзірбаев атындағы байқаулардың         лауреаты, мәдениет майталманы медалінің иегері Арайлым Мамырбекқызының ән кеші өте әсерлі, жоғары деңгейде өтті. Залға толған көрермендердің 3,5 сағатқа созылған концертті соңына дейін тамашалауы, үздіксіз соққан қошеметтері, әншіге деген ыстық ықыластары соның бір ғана дәлелі десек болады. Әнші жетіген аспабында күй ойнап, «Қымыз құйғыш», «Шіркін-ай», «Жорғатай», «Ақбаян», «Дүние-ау»  сынды халық әндерін және өзінің авторлық әндерін нақышына келтіріп, шабытпен шырқап, көрермендердің көңілін баурады.

Кеш иесін құттықтап келген өнер адамдары да аз болған жоқ. Атап айтсақ әншінің ұстаздары, өнер майталмандары Фатима Дүйсенбекова, Ағайша Смағұлова, Тұрсынхан Қарақожаева, Нұргүл Жақыпбек   дәстүрлі ән мен эстрада жұлдыздары Қайрат Құдайбергенов, Жасұлан Сақаев, Бейбітгүл Нұрымғожина, Нұртас Қайрат, Назгүл Әбибекова, Айбике Жалелдин өнер жолындағы шәкірттері Сабрина Нуруллаева, Ханшайым Байбосынова, Ералы Сәли, Рамина Әміртаева, «Інжу-маржан» әжелер ансамблі, «Көркем-ай» би тобы өз өнерлерін ортаға сап, кештің мәні мен сәнін арттырды.

Концерт барысында сан қырлы Арайлым Мамырбекқызының ақындық қабілетінен де хабардар болдық. Арқалы ақын, дүлдүл айтыскер Даубай Әбдісаев әншінің жүрегінен шыққан жыр жинақтары «Ән ғұмыр» атты кітабының тұсауын кесті сахнада. Даубай ақын өнер иесін шығармашылық кешімен құттықтап, ақынға қара сөзден өлең оңай дей келе:

Жақсылық шықсын әркез қарсы

 алдыңнан,

Ел-жұртың аман болсын ән салдырған.

Әсем әннің көгінде қалықтай бер,

Салған әнің талайды тамсандырған.

Алаулап әннің шоғын үрлегесін,

Өлеңнің өрнектей бер күнде көшін.

Жалғыз Алла жар болып қайда

жүрсең,

Қаяу түсіп көңілің кірлемесін.

Күнде күлкі кетпесін жанарыңнан,

Жалынды жыр төгілсін қаламыңнан.

Жаныңа жігер беріп ақ батамыз,

Асулардан аса бер сан алуан.

Жарқырайды өнерден отың әлі,

      Мойындайды мықтының

шоқылары.

      Сендей қызды өмірге алып келген,

      Киелі ғой Семейдің топырағы.

Ән дегенде өртенді, күйіп кеуде,

Сыбаға жеп, сый алдың сүйікті елден.

Бала-шаға, отбасы аман болып,

Көріне бер қалықтап биіктерден – деп  тілегін өлеңмен жеткізді. Кейіннен ауылдың ардақты анасы Көкен Өтегенова әнші қызға ақ батасын берді. Кеш соңында Арайлым Мамырбекқызы: – Мен осы кешімнің өтуін көп уақыттан бері армандадым, дәл қазір қуаныштан төбем көкке екі елі жетпей тұр. 20 жыл бойы сахнада жүрген еңбегім бүгін сараланды, халқыма есеп бердім деп түсінемін. Жанашыр қолдайтын халқы болмаса әнші ешкім емес, бүгін маған осындай үлкен қолдау көрсетіп келген Сіздерге мың да бір рахмет. Ауылымыздың өркендеуіне өлшеусіз үлесін қосып келе жатқан Зағипа Балиеваға өз атымнан, ауыл тұрғындарының атынан шексіз алғысымызды білдіреміз – деп әнсүйер халыққа ақжарма ойын ақтарды.

Ринат НАРХАНОВ.

 

Оқылды 2614 рет
Осы категориядағы басқа материалдар: « Талғамы биік талант «Халық нағыз өнерді аңсайды» »

Соңғы жаңалықтар

Нау 18, 2024

Құрылтай

Кешегі Атырау қаласында өткен Ұлттық құрылтайда Президент Қасым-Жомат Тоқаев күн…
Нау 14, 2024

Түйінді түйіткілдер оң шешімін…

Жуырда аудандық мәслихаттың тұрақты комиссияларының бірлескен отырысы өтті. Отырыстың күн…
Нау 07, 2024

Аудан әкімінің міндетін атқарушы …

Ардақты ақ жаулықты аналар, аяулы арулар! Сіздерді 8 наурыз – Халықаралық әйелдер күні…
Ақп 22, 2024

Отбасы – тәрбие бастауы

Жақында Азат орталау мектебінде Рахат округінің аналар кеңесінің төрайымы Райхан…
Ақп 22, 2024

Ерлік – елге мұра, ұрпаққа ұран

Кеңес әскерінің Ауған жерінен шығарылғанына 35 жыл толуына орай Есік қаласында ауқымды…
Ақп 21, 2024

Алматы облысы Еңбекшіқазақ ауданы…

Мен Тустукбаев Бағлан Ахихатұлы, 1989 жылы 7 сәуірде Алматы облысы, Еңбекшіқазақ ауданы,…
Ақп 21, 2024

Алматы облысы Еңбекшіқазақ ауданы…

Мен, Әділхан Азамат Әділханұлы, 1993 жылы 11 қаңтарда Алматы қаласында дүниеге келдім.…
Ақп 21, 2024

Алматы облысы Еңбекшіқазақ ауданы …

Мен Тойғанбеков Бақберген Бауыржанұлы 1988 жылы 21 сәуірде Еңбекшіқазақ ауданы Көктөбе…

Күнтiзбе

« Наурыз 2024 »
Дс Сс Ср Бс Жм Сб. Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет