Сейсенбі, 03 Қараша 2020 11:30

ҚМДБ пайғамбардың карикатурасына қатысты мәлімдеме жасады

ҚМДБ пайғамбардың карикатурасына қатысты мәлімдеме жасады Сурет интернеттен алынды

Мұхаммед пайғамбарға қатысты «Сharlie Һebdo» журналының жариялаған келемеж суретіне қатысты ҚМДБ мәлімдеме жасап, барша мұсылман қауымын төзімділікке, парасаттылыққа шақырды.

Құрметті мұсылман қауым!

Соңғы кездері әлемде сөз еркіндігі мен демократия астарында жекелеген этностарды немесе конфессияларды балағаттау, кемсіту, арандату жиі көрініс таба бастады. Әрине, мұндай жағдай көпшілік елдерді, халықтарды және түрлі дін өкілдерін қатты алаңдатады. Бұл бір жақтан, радикалдық көзқарас пен лаңкестікті, екінші жақтан, конфессияаралық өшпенділік пен араздықты тудыруда.

Жуырда Францияның «Charlie Hebdo» журналының Мұхаммед пайғамбардың (оған Алланың салауаты мен сәлемі болсын) келемеж суретін салуы және кейбір билік өкілдерінің айтқан қисынсыз пікірі әлемдегі барлық мұсылмандардың ашу-ызасына себеп болды.

Төзімсіздік пен өшпенділіктің әлеуметтік-экономикалық, саяси және заңнамалық себептерінен өзге, қоғамда қалыптасқан мәдени және рухани құндылықтардың құлдырауына, қоғамның тұтастығы мен мәдениетаралық қатынастың бұзылуына алып баратыны сөзсіз. 

Әйтсе де, шынайы мұсылман өзінің пайғамбарына болған сүйіспеншілігін, оның нағыз үмбеті екенін сенімі мен ізгі істері, әдептілігі мен көркем мінезі арқылы көрсетеді. Сонымен қатар, мұсылмандар өз діні мен пайғамбарын қорлауға жол бермейді. Себебі, пайғамбарға иман келтірумен қатар оны қорғау да мұсылманның міндеті болып табылады.

Пайғамбарымыз (оған Алланың салауаты мен сәлемі болсын): «Сендердiң ешқайсыларың менi ата-анасынан, бала-шағасынан және барлық адамзаттан артық жақсы көрмейiнше, толық иман келтiрген болып саналмайды» деген (Муслим).

Осы жағдайға байланысты, Қазақстан мұсылмандары діни басқармасы өзінің келіспеушілігін білдіреді және мұсылмандарды түрлі арандатушылық әрекеттерге берілмей, барлық амалдардың шариғат әрі заң шеңберінде шешілуі тиіс екендігін жеткізеді. Еліміздегі дін өкілдері мен қарапайым халықтың кейбір саяси күштер мен түрлі радикалдық топтардың құрбаны болып кетпеуін қалайды.

Ислам діні – өзге мәдениеттерге төзімділігі мен сұхбатқа ашықтығының арқасында көптеген елдер мен халықтардың жергілікті мәдениеттерін бірегей арнада тоғыстырған дін. Сондай-ақ, Ислам діні басқа діндерге, көсемдері мен ғибадатханаларына құрметпен қарауға бұйырады, кез келген дінді кемсітуге, олардың діни рәміздерін бұзуға тыйым салады.

Құрметті бауырлар, ардақты ағайын!

Әрбір мұсылман кез келген дін және діни қатынастарға қатысты сөз болғанда мәселенің нәзіктігін ескеріп, оны түсіндіру мен таратуда өзінің рөлі мен қоғам алдындағы азаматтық жауапкершілігін терең сезінуі тиіс.

Осы бір жағдайда барша мұсылман қауымын төзімділікке, парасаттылыққа шақыра отырып, Жаратушы Иемізден елімізге тыныштық, халқымызға амандық, асыл дініміздің өркендеуін тілейміз. 

Оқылды 231 рет

Соңғы жаңалықтар

Қаң 20, 2021

Коммуналдық төлемдерге тарифтер…

Баға бағамы шарықтаған тұста коммуналдық қызмет саласындағы тариф құнының тұрақты болуы…
Қаң 20, 2021

Алматы облысында індеттің қарқыны…

ҚР эпидемиологиялық жағдайын бағалау матрицасы бойынша Алматы облысы "сары" аймақта. 2021…
Қаң 20, 2021

«Инклюзивті білім беру» кабинеті…

"Табиғаттың мүмкіндігі шектеулі деп есептемейік! Адамның өнері арқылы бұл мүмкіндіктің…
Қаң 19, 2021

«Қоғамдық келісім» – общественный…

Во всех областях Казахстана на базе бывших домов дружбы и региональных АНК при областных…
Қаң 18, 2021

Алматы облысының 2021-2025 жылдарға…

Бүгін Алматы облысының әкімі Амандық Баталовтың қатысуымен облыстық мәслихаттың VII…
Қаң 18, 2021

Алматы облысында 5 млн. 400 мың…

Алматы облысында 2021-2025 жылдары облыста шамамен 5 млн. 400 мың шаршы метр тұрғын үй…
Қаң 18, 2021

Жалпы өңірлік өнімді 5 трлн. теңгеге…

Алматы облысында экономиканың тұрақты дамуын жыл сайын орта есеппен 4%-ке қамтамасыз ету…
Қаң 18, 2021

Еңбекшіқазақ аудандық аумақтық…

№ 03 2021 жылғы 14 қаңтар Жетінші шақырылған Еңбекшіқазақ аудандық мәслихатының…
Қаң 18, 2021

Қоғамдық тамақтану объектілеріне…

Карантин кезеңінде білім беру ұйымдарындағы қоғамдық тамақтану объектілеріне қойылатын…

Күнтiзбе

« Қаңтар 2021 »
Дс Сс Ср Бс Жм Сб. Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет