Күндер бойынша реттелген элементтер: Жұма, 01 Қараша 2019

Мемлекет басшысы Қасым-Жомарт Тоқаевтың ҚР  Президенті қызметіне ресми кірісу рәсімінде өзінің сайлауалды платформасын жүзеге асыру жоспары жасалатынын, бұл орайда негізгі он бағытқа басымдық берілетінін атап өтті. Оның жетінші бағытында өңірлерді дамытудың жаңа бағдары айқындалған. Ол турасында Президент: «Біздің қағидамыз баршаңызға мәлім: қуатты аймақтар – қуатты Қазақстан. Азаматтарымызды толғандырған  нақты мәселелер жергілікті деңгейде шешілуі тиіс. Жергілікті өзін-өзі басқару жүйесін нығайтамыз. Аймақтағы қордаланған мәселелерді шешуге халық белсене араласатын болады», – деді. Бүгінде республикалық маңызы бар үш қала мен он төрт облыс бар. Осы он жеті әкімшілік құрылымның әлеуметтік-экономикалық жағдайы жақсарса, Қазақстанның әл-ауқаты зор деуге болады. Республикалық маңызы бар қалалардың даму мүмкіндігі өңірлерге қарағанда, молырақ. Ал он төрт облысты дамыту үшін өңірлерді дамытудың 2020 жылға дейінгі бағдарламасы жасалған. Облыстар бір-бірімен климаты, экономикасы, әлеуметтік жағдайы, инфрақұрылымы, салалық дамуы жағынан ерекшеленеді. Сол себепті, Өңірлерді дамыту бағдарламасы негізінде әр облыс өзінің аумақтық даму бағдарламаларын (2016-2020 жылдарға арналған) жасаған. Аумақтық бағдарламалар да көзделген индикаторлардың орындалуы түптеп келгенде, «Өңірлерді дамытудың 2020 жылға дейінгі бағдарламасының» орындалуына ықпал етеді. Бұл бағдарлама ауданымызда қалай жүзеге асуда? Сұрақ орынды.    Алдияр, жауабын іздеп көрейік...

Іргелі ауданымыздағы бүгінгі күнгі басты мәселелер – инфрақұрылымдық жүйелердің жаңғыруы. Ол әлбетте, бір жылда шешіле салады деу әбестік. Арнайы мемлекеттік бағдарламалар аясында жоспар құрылып, жүйелі жұмыстар жүргізілуде ауданымызда. Сол секілді «Өңірлерді дамыту-2020» бағдарламасы шеңберінде биылға 219,4 млн теңге бөлінген. Бұл қаражаттың 61,4 млн теңгесіне 6 елді мекенге атап өтсек,  Ават, Бижанов, Достық, Қаратұрық, Қ.Ұлтарақов және Шелек ауылдарының жолдарын ағымды жөндеуден өткен. 55,2 млн теңгеге Асы, Алға, Өрікті, Көктөбе, Рахат ауылдарының су құбырларын ағымды жөндеуден өтуде. Ал Амангелді, Бөлек, Жаңашар, Қазақстан, Ақтоған, Балтабай және Түргенде спорт алаңдары мен стадиондар абаттандырылуда. Оған 69,7 млн теңге қарастырылған. Сол секілді аталмыш бағдарлама аясында 13 млн теңгеге Тес-кенсу ауылдық округінде каналдар тазартылуда. Аудан әкімдігінің мәліметінше, бүгінде 161,3 млн теңгесі игерілген. «Жыл соңына дейін ойға алған жұмыстар толық аяқталады» дейді аудан басшысы Бинәлі Ысқақ.

Былтырғы жылы осы бағдарлама аясында 25 ауылдық елді мекендегі жолдарды ағымды жөндеуге 220 млн теңге бөлініп, өңірлердің тынысын ашуға жұмсалған еді. Бұл бір ғана ауданда атқарылып жатқан игілікті іс.

Енді Өңірлерді дамытудың 2025 жылға дейінгі прагматикалық бағдарламасы әзірленеді. Ол бағдарламада өңірлердің экономикалық бәсекеге қабілеттілігін арттыру және басқарылатын урбанизация арқылы халықтың өмір сүру деңгейін жақсарту көзделмек. Қазіргі уақытта экономикалық белсенділік, таланттар, инновациялар, бизнес, жұмыс орындары шоғырланған ірі қалаларға адамдардың келу үдерісі байқалады. Осыған байланысты Ұлттық экономика министрлігі жаңа Мемлекеттік бағдарлама шеңберінде жедел урбанизация (2030 жылға қарай 70%), сондай-ақ Қазақстан қалаларының өздерін ірілендіру бойынша шаралар кешенін қабылдау қажет деп санайды. Сондықтан жаңа бағдарламада 34 қаланы және 439 ауылды елді мекенді қамтитын функционалдық қалалық аудандардың дамуын одан ары қолдауға басымдық бермек. Өңірлерді дамытудың 2025 жылға дейінгі мемлекеттік бағдарламасын әзірлеу кезінде Өңірлерді дамытудың 2020 жылға дейінгі қолданыстағы мемлекеттік бағдарламасы шеңберінде іске асырылатын газ, жылу, электр, сумен жабдықтау және су бұру, тұрғын үй қорын жаңғырту, сондай-ақ сәулет және қалақұрылысы қызметінің бірқатар мәселелері «Нұрлы жер» бағдарламасына ықпалдастырылады.

Урбанизация мәселелерінен басқа жаңа бағдарламаға шамамен болашағы бар 1,5 мың   ауылды елдімекенді жаңғырту «Ауыл – ел бесігі» жобасы аясында жүзеге асады. Бұл мақсатта 2019-2021 жылдарға 90 млрд теңге бөлінеді. Бұл қаражат тұрғын үй-коммуналдық шаруа-шылығы, әлеуметтік сала объектілерін, болашағы бар ауылдардың көлік инфрақұрылымын күрделі, орташа және ағымдағы жөндеуіне бағытталады. Шағын қалаларды дамыту жобаларына биыл 10 млрд теңге бөлінді. Ол қаржы шағын қалаларда (16 қала), сондай-ақ функционалдық қала-лық аудандардан тыс ірі моноқалаларда (халқы 50 мың адамнан астам 9 қала) және шекара маңындағы шағын қалаларда (8 қала) инженерлік инфрақұрылымды дамытуға жұмсалады. Жалпы, өңірлік деңгейде халық тіршілігін қамтамасыз ету үшін қажетті әлеуметтік және инфрақұрылым нысандарының тізбесін қамтитын қалалық және ауылдық жерлер үшін Өңірлік стандарттар жүйесі енгізіледі. Мұның барлығы Өңірлерді дамытудың 2025 жылдарға арналған мемлекеттік бағдарламасында ескеріліп отыр. Ең маңыздысы, халық ықыласына бөленіп келе жатқан бағдарлама жүйелі жалғасқандығы. Себебі, ауылды аймақтардың дамуы ел өркендеуінің айғағы.

 

Қайнар ЖҰМАҒОЖА.

Published in Ресми

Англияның Мэн аралында Grand Swiss Халықаралық шахмат турнирі аяқталды. Бұл FIDE турнирлерінің ең ірі жарыстарының бірі – 11 турға созылатын ұзын қашықтықты жарыс болып табылады.

Турнирге әлемнің 40-тан астам елінен 150 мықты шахматшы қатысты.Турнирдің деңгейін әлемдік деңгейдегі Магнус Карлсен, Фабиано Каруана, Левон Аронян және басқа шахматшылардың қатысуынан-ақ білуге болады. Қатысушылардың орташа рейтингі 2605-ті құрады.

Турнирде қазақстандық шахматшы Динара Сәдуақасова сәтті өнер көрсетті. Әйелдер арасында ол үнді спортшысы Харика Дронаваллимен 1-2-ші орынды бөлісті.

– Бұл өзімді көрсетуге тамаша мүмкіндік болды! – дейді Динара. – Күн сайын мықты ойыншылармен ойнайсың. Бар күшімді салдым – дегенмензор қашықтық қой. Менің барлық қарсыластарым әлемдік шахмат элитасы – «алтыжүздіктер» тобындағы гроссмейстерлер болды! Бұл құрам мені қорқытқан жоқ, керісінше, өзімді тексеруге ниет тудырды.

Grand Swiss турнирінен кейін Динараның рейтингі 2505 болды! Енді ол әлемнің ең мықты шахматшылары арасында 11-ші орында тұр. Бұл қазақстандық әйелдер шахматы үшін рекорд!

Игорь Бушмелев,

Қазақстан шахмат федерациясының баспасөз хатшысы.

Published in Спорт

Қазақстан Республикасының тұңғыш президенті Нұрсұлтан Назарбаев «Болашаққа бағдар: рухани жаңғыру» атты мақаласында ел дамуына зор үлес қосқан азаматтардың өздері мен олар-дың табысқа жету тарихына мән беріп, оларға ақпараттық қолдау жасап, танымал етудің жаңа мультимедиялық алаңын қалыптастыруға шақырған.

Рухани жаңғыру аясындағы «Қазақстанның 100 жаңа есімі» жобасын жандандыру барысында Таутүрген орталау мектебінде «Қайырымдылық ісі бағаланған қайсар жан» тақырыбында  2017 жылғы 100 жаңа есім жеңімпазы  Елдос Баялышбаевтың  (суретте) қоғамға сіңірген еңбегі туралы баяндап, оқушыларды жақсылыққа, адамгершілікке, қиындықты жеңуге, қайсарлыққа, өзгеге көмек қолын созуға, қайырымдылық жасауға баулу мақсатында таным сабағы өтті. Тарих пәнінің мұғалімі Әсел Алтай оқушыларды  Жетісу өлкесінің тумасы 27 жастағы Елдостың мүмкіндігі шектеулі жандарға арналған елімізде ең алғашқы спорттық оңалту орталығын ашқаны жайлы баяндап, бейнебаян, суреттерін көрсетті.  Өзі мүмкіндігі шектеулі бола тұра мойымаған жан екені шара барысында үлгі болды.

 

 

Г.Сәрсенқызы,

Таутүрген орталау мектебі директорының тәрбие ісі жөніндегі

орынбасары.

Published in Мақалалар

Приверженность Казахстана демократическому курсу, соблюдению прав человека и гражданина красной строкой проходит в Послании Президента РК Касым-Жомарта Токаева «Конструктивный общественный диалог – основа стабильности и процветания Казахстана».  Концепция  «Слышащего государства» предполагает постепенную политическую трансформацию во избежание дестабилизации,   налаживание конструктивного диалога власти и общества.

Данному основополагающему пункту Послания была посвящена встреча заместителя Алматинской областной ассамблеи народа Казахстана  Габита Турсынбая и заместителя акима района Айбека Бидаева с представителями общественных организаций, акимами округов, председателями этнокультурных центров района. Выступая на встрече, Габит Турсынбай и Айбек Бидаев  особо подчеркнули роль межэтнического согласия в последовательном осуществлении общественно-политических реформ. Это важнейшее условие для нормального функционирования общественного организма. Сотрудничество и взаимопонимание служат укреплению единства поликультурного и полиэтнического народа Казахстана. Достигнутая стабильность в общественно-политической жизни не устраняет ряд проблем, требующих безотлагательного решения: социальной поддержки  малоимущих и нетрудоспособных слоев населения, стабилизации цен, ликвидации преступности и безработицы. Это следствие объективных, хотя и болезненных  процессов глобальных перемен в мировой экономике и политике, перехода республики к  новым для нее методам хозяйствования и формам общественных отношений.

В Послании сказано, что казахстанский путь развития получил признание во всем мире. Качественно новый уровень развития возможен только с обеспечением преемственности политики Елбасы по  реализации  Пяти институциональных реформ и Плана нации. Недопустима бессистемная политическая либерализация, только путем постоянного диалога власти и общества можно построить гармоничное государство. Необходимо поддерживать и укреплять гражданское общество, вовлекать его в обсуждение наиболее актуальных общегосударственных задач. Основные проблемы, волнующие наше общество, должны обсуждаться и находить своё решение  в рамках гражданского диалога, но не на улицах. С учетом  роли казахского народа как государствообразующей нации, нужно продолжать укреплять межэтническое согласие и межрелигиозное взаимопонимание. Роль казахского языка как государственного будет усилена, он должен стать языком межнационального общения. Вместе с тем необходимо повысить авторитет неправительственных организаций, и принять Концепцию развития гражданского общества до 2025 года.  Главный итог судьбоносных перемен - утверждение  гражданского мира и национального согласия.

На встрече также выступили председатель уйгурского ЭКЦ района Сулейман Максутов и председатель курдского ЭКЦ Надо Надыров. Они говорили о мерах, которые будут приниматься этнокультурными центрами для достижения поставленных в Послании задач.

Руководство Алматинской области, партия «Нұр Отан», областная Ассамблея народа Казахстана делают все возможное для включения резервов региональных общественных советов и этнокультурных центров. Пропаганда межэтнического единства, гражданского мира, поддержка культурных мероприятий,   содействие обеспечению учащихся из малоимущих семей  горячим питанием и учебниками, организация помощи пострадавшим в стихийных бедствиях лишь  часть общественной работы, которую предстоит расширять и укреплять.     

Поддержка государством всех этносов, их сплочение вокруг государствообразующего казахского народа является важнейшим фактором интеграционных процессов, стабильности и конструктивного диалога, провозглашенного в Послании Президента РК. Морально-этическое просвещение и воспитание культуры межнационального общения – залог успешной социально-политической модернизации и дальнейшего сплочения и единства народа Казахстана.

И.ВИКТОРОВ.

Published in Ресми

«Екі адамның өмі-рін жалмаған қайғылы өрт салдарынан отаға-сынан және үлкен ұлынан айырылған жесір әйел екі баласы-мен қалды. Облыс әкімінің тапсырмасы-мен қаралы отбасы үшін арнайы есепшот ашылып, қайырымды жандар ақша   жинастыруда», – дейді Ғ.Жүкел. Сонымен қа-тар, облыс әкімінің баспа-сөз хатшысының айтуынша, жергілікті билік бұл отбасыға Қырбалтабай ауылынан коммуналдық инфра-құрылыммен жер учаскесін бөліп беруді шешкен. Баспана демеушілер қаражатына тұрғызылатын болады. «Аудан тұрғындары үйдің құрылысына қатысты көмектерін аямайтындықтарын айтып отыр. Екі бала балабақшаға орналастырылатын болды. Жесір қалған әйелдің жұмысқа тұру мәселесі де қаралуда», – деді облыс әкімінің баспасөз хатшысы Ғ.Жүкел. Жесірдің әкесінің айтуынша, бұл отбасылық қайғыға ешкім көз жұма қарамаған. Жан-жақты көмек қолы созылуда. «Күйеу баламызды өзінің ұлымен қатар жерледік. Өзі мейірімді де жақсы адам еді. Жұбайын сыйлап, жақсы көретін. Балаларына қамқор әке еді. Ешқандай артық, жаман қылығы болмаған», – деп қайғыра жеткізді Мадинаның әкесі Сейділдә Оразов.

Жергілікті билік өкілдері отағасының алған несиесінің отбасына ауырлық түсірмеуін қадағалайтынын айтты. Естеріңізге сала кетейік, 5 адамнан құралған отбасы тұрып жатқан үй бесінші қазанда өртенген. Отағасы өрт ішінен жұбайы мен екі кіші баласын алып шыққан соң, үлкен ұлын құтқаруға өртеніп жатқан үйге қайта кіреді. Алайда, ол түтінге уланып, үлкен ұлын сыртқа шығаруға үлгермейді. Ақыры, екеуі де оқиға орнында қаза болған еді.

 

Аудан әкімінің баспасөз қызметі.

Published in Ресми

Ауданымыздың көзтартар табиғаты мен сырлы тарихы келген қонақты еліктірмей қоймайды. Жетісудың жауһары саналатын Еңбекшіқазақ ауданының мерейі мен мәртебесін асыратын көрікті жерлері жетерлік. Көздің жауын алар  табиғатымыздың сұлулығын көріп, туристік нысандарды аралап, сан ғасырлық тарихымызбен танысу мақсатында облыстың түкпір-түкпірінен меймандар келді жуырда. Қонақтар арасында тілшілер де, спортшылар да, білім мен мәдениет саласы мамандары да, туристік индустрия өкілдері де бар.

Облыстық туризм және ақпараттық қызмет көрсету орталығының ұйымдастыруымен өткен екі күндік сапар барысында ауданымыздың мақтаныштарын тамашалады.

Алдымен Есік қорық-музейіне бас сұққан меймандарға мекеме директоры Тасқын Тойбаев Рахат қала жұртындағы қазба жұмыстарын көрсетті. Содан соң ғимарат ішіндегі жәдігерлерді музей қызметшісі Жазира Құрбанәлі таныстырды. Тарихтан тағылым алған Талдықорғандықтар тұп-тұнық, қашан барсаң да көкпеңбек болып көздің жауын алып жататын Есік көліне ат басын тіреді. Аялап қана алақанға салғандай, айналасы жасыл шыршамен көмкерілген мөп-мөлдір суы –табиғаттың тамаша туындысы іспетті. Қайықпен серуендеп сұлулыққа тамсанып, ары қарай Түрген шатқалындағы Аюлы сарқырамасына жол тарттық.

Жоғарыдан құлдилаған таза бұлақ  көрген көзді ләззатқа бөлеп, жаратқанның шеберлігіне таңдандырмай қоймайды. Бірінші күнгі демалысты осылайша қызықты өткізген меймандар «Тау-Жанашар» қонақ үйіне аялдады.

Таң шапағы көтерілгеннен ерте оянып, таңғы астан соң, Қайрақ сарқырамасына қарай бағыт алдық.

1,5 сағат жаяу көтеріліп, бұл ғажапты да көру бұйырды. Тау басындағы қар, тас арасындағы мұз сарқырамаға ерекше көрік беріп тұрғандай. Естелік суретке түсіп, тарихымен танысып, ауызбіршілікпен төменге түстік.

Ұйымдастырушылар қонақтарға Алматы облысының көрікті мекендері туралы ақпарат жазылған Атлас тарту етіп, шығарып салды. Екі күндік сапар барысында Қазақстанда біз бағасын біле бермейтін, қоқыс төгіп қадірлемейтін киелі жерлер өте көп екенін аңғардық. Қолда бардың қадірін біліп, баға жетпес байлығым-табиғатымызды бағалайық, аялайық.

Жансая ЫСҚАҚ

Published in Мақалалар

Алматы облысында әлеуметтік кәсіпкерлік бойынша бірден екі жоба басталды: олардың бірі-аутизмі бар балаларға арналған бейімделген дене шынықтыру залы, екіншісі-есту қабілеті бұзылған студенттер жұмыс істейтін стоматологиялық ортопедия кабинеті, деп хабарлайды «Jetisy Media»КММ.

Екі жоба да «Samruk-Kazyna Trust» әлеуметтік жобаларды дамыту Қорымен жүзеге асырылатын «ӘREKET»әлеуметтік кәсіпкерлікті дамыту жобасы аясында іске қосылды.

Солардың бірі облыс орталығында алғаш рет ашылған стоматологиялық ортопедия кабинеті. Бұл жерде Талдықорған қаласының жоғары медициналық колледжінде оқитын есту қабілеті бұзылған студенттер тіс протездерін дайындайтын болады.

«Есту қабілеті бұзылған адамдарға жұмысқа орналасу оңай емес, себебі жұмыс берушілер оларды жұмысқа қабылдауға асықпайды. Өткен жылы Қазақстанда алғаш рет есту қабілеті бұзылған студенттерге арналған «стоматолог-ортопед» мамандығы ашылды. Осыдан медициналық колледждің түлектері жұмыс істейтін стоматологиялық кабинетті ашу идеясы пайда болды»,- деді саңыраулар қоғамы «ҚБ Болашақ» корпоративтік қорының жетекшісі Раушан Бексұлтанова.

Стоматологиялық кабинетте жұмыс істейтін жастар күрделі  тіс протездерін дайындайтын болады. Айта кетерлігі, кабинеттің Талдықорғанның жеке стоматологиялық клиникаларымен, соның ішінде орталық стоматологиямен, сондай-ақ «Smile», «Маржан тіс» және т.б. клиникаларымен ынтымақтастық туралы келісімі бар.

Раушан Бексұлтанованың айтуынша, баға нарық бағасынан төмен болады, ал зейнеткерлер мен ерекше қажеттіліктері бар адамдарға жеңілдік қарастырылған.

Ол сондай-ақ,«Болашақ» Қорына ойын іске асыруда үлкен көмек көрсеткен «ӘREKET» жобасы арқасында грант алып қана қоймай, әлеуметтік кәсіпкерлікті дамыту үшін қажетті білім алғанын айта кетті.

Аутизмі бар балаларға арналған бейімделген дене шынықтыру залын ашу бастамашысы «Другая жизнь»қоғамдық қоры болды. Қордың мәліметінше, бүгінгі таңда Талдықорғанда аутистік спектрі бұзылған балалар спортпен айналыса алатын осындай орталықтар жоқ. Залда жаттығудан өткен және тиісті сертификаттар алған білікті жаттықтырушылар дене шынықтырудан сабақ береді. Аптасына 3 рет спортпен шұғылданатын 6 баладан 4 топ құрылды.

«Другая жизнь» ҚҚ директоры Камилла Ситосманованың айтуынша, бейімделу спорты ерекше қажеттіліктері бар балалардың қимыл-қозғалыс бұзылыстарын түзетудің, физикалық және моторлы дамуын ынталандырудың қажетті құралы болып табылады.

«Аутизмі бар төрт жасар баланың анасы бола тұрып мен де өзім осы тақырыптарға тап болдым, себебі, біздің қалада жоқ мұндай орталықтардың, мұндай балаларға көмек мүлдем көрсетілмейді. Сондықтан алдымен қоғамдық қор құру идеясы келді,ал биыл біз «ӘREKET» жобасына қатысудың арқасында толыққанды зал ашуға мүмкіндік алдық. Қажетті жабдықтар сатып алып, жаттықтырушыларды оқытып, енді «ерекше» балаларға көмектесуге дайынбыз», - деді Камилла Ситосманова.

«Екі жоба да, біздің ойымызша, әлеуметтік кәсіпкерліктің тамаша мысалдары. Олар қоғамның әлеуметтік мәселелерін өз тұрақтылығын қамтамасыз ете отырып шешеді. «ӘREKET «жобасы арқылы біз осы мақсатқа бағыттадық. Алматы облысындағы екі жобадан басқа, Қазақстан бойынша жақын арада әлеуметтік кәсіпкерлік бойынша 23 жоба өз жұмысын бастады», - деп атап өтті «Samruk-Kazyna Trust» қорының ресми өкілі Мирас Іргебаев.

Өңірлік коммуникация қызметі

Published in Мақалалар

2020 жыл – «Еріктілер жылы». Бұл туралы «Jetysu Media»  алаңында өткен баспасөз-маслихаты барысында мәлім болды.

Қазіргі таңда елімізде 287 әлеуметтік-еріктілер орталығы жұмыс істейді.Олардың ішінде 50 мың белсенді еріктілер қайырымдылықпен айналысуда. «2020 еріктілер жылы» қарсаңында Алматы облысындағы еріктілерді қолдау орталығы «Ұлттық волонтерлік желі»  ЗТБ-мен бірлесіп, Азаматтық бастамаларды қолдау орталығының демеуімен «Еріктілер бастамасын дамыту үшін шағын гранттар бағдарламасын іске асыру» жобасын жолға қоюда.

Жобаның мақсаты-бірыңғай еріктілер қозғалысы  мен алаңдарды ұйымдастыру арқылы жастардың волонтерлік қызметке белсенді қатысуынынталандыру болып табылады.

«Дос.кз» әлеуметтік еріктілер орталығының директоры Лариса Леонидовнаның айтуынша, республика бойынша 17 еріктілер орталығы жұмыс істейді. Бүгінде еріктілер ұйымының жұмысын жадандыру үшін 17 грант бөлініп отыр. Грантты жеңіп алған жағдайда жобаларын іске асыру үшін 1 000 000 теңге көлемінде қаржылай көмекке ие болады. Бүгінде 3 жобамен жұмыс жасаудамыз. Олар: «Ашық жүрек», «Студенттік бастама», « Бірыңғай жұмыс күні». Статистикаға назар аударатын болсақ еріктілердің басым көпшілігі 30 жастан асқандарды құрайды. Бұл дегеніміз еріктілерге жас шектеуі жоқ, сонымен қатар қайырымдылықпен айналысатындардың саны артуда деген сөз»,-дейді.

Жиында волонтерлік корпус жобасы еліміздің барлық өңірлерінде жүйелі және үйлесімді өзара іс-қимыл жасау үшін, еріктілер ұйымдарын қатарын бірыңғай үйлестіру орталығын құруға бағытталғаны туралы айтылды. Сонымен қатар, брифинг барысында өзгеде жобалар туралы ақпарат біріліп, еріктілер қозғалысы мен алаңдарды ұйымдастыру арқылы жастарды еріктілер қызметіне белсенді қатысуға шақырды.

Өңірлік коммуникация қызметі 

Published in Жастар
Copyright © 2014 Меншік иесі: ТОО "Еңбекшіқазақ" Есік қаласы, Алматы обласы № 4270-Г

 Выходные данные

Жарнама

для детей, достигших 12 лет