Күндер бойынша реттелген элементтер: Сәрсенбі, 15 Шілде 2020
Сәрсенбі, 15 Шілде 2020 15:05

Проверены цены и аптеки

Во время пандемии коронавируса наши грждане столкнулись с проблемой отсутствия в аптеках самых необходимых препаратов. В аптечных закромах отсутствуют даже самые обыкновенные парацетамол и аспирин. Чтобы предохранить себя от заразы, в ход пошли народные средства – чеснок, имбирь, мед с хреном. Хотя от вируса это более чем сомнительная защита и лекарство... 

Что по этому поводу предпринимает районное управление контроля качества и безопасности товаров и услуг?

 Енбекшиказахским районным управлением контроля качества и безопасности товаров и услуг совместно с местными исполнительными органами и СМИ осуществлен мониторинг наличия лекарственных средств, запаса медикаментов, антисептиков, медицинских масок в аптечной сети, а также стабильности цен на лекарства и соблюдения продавцами соответствующих санитарных требований. С владельцами аптек была проведена разъяснительная работа  по поводу сохранения прежних цен на востребованные лекарственные средства.

В ходе рейда мониторинговой группы в аптеках установлена нехватка  остро необходимых препаратов и лекарственных средств для лечения простудных и вирусных заболеваний, таких как цефтриаксон, цефазолин, аскорбиновая кислота, азитромицин, амоксиклав, ацетилсалициловая кислота, парацетамол, азитромицин, аспирин-кардио, тамифлю, инфлюцид, анаферон, зитрокс, сумамед, физраствор 100мл, новокаин, лидокаин. При этом следует отметить, что практически во всех аптеках стоимость лекарств не превышает предельно установленной.

Ежедневный мониторинг аптечной сети на предмет наличия лекарственных препаратов и соблюдения  фармацевтами установленных цен продолжается.

 

Д.БЕЙСЕМБАЙ, Т.БЕРДАЛИЕВ,

специалисты РУККБТУ

Published in Мақалалар

Қысылтаяң уақытта айналасындағыларға қолын созып, көмек көрсеткеннің орнына бас пайдасын бірінші кезекке қоятындар, өкінішке қарай, жоқ емес. «Біреуге жан қайғы, біреуге мал қайғы» демекші, елдің аласұрып іздеген дәрі-дәрмегін 5-10 есе қымбатқа сатып, дәрі тапшылығын қолдан жасап отырған алыпсатарлар қаптап кетті. Олардың жолын кесуді президенттің өзі үкімет пен құқық қорғау органдарына тікелей тапсырды. Жер-жерде тексеру жұмыстары басталды.

Өткен аптада «Nur Otan» партиясы Еңбекшіқазақ аудандық филиалы төрағасының бірінші орынбасары Қ.Байғоджаев, партиялық бақылау комиссиясының мүшесі А.Байтулақов, партия кеңесшісі Б.Рахимов, Еңбекшіқазақ аудандық тауарлар мен көрсетілетін қызметтердің сапасы мен қауіпсіздігін бақылау басқармасының бас маманы Д.Бейсембай бастаған топ Есік қаласындағы дәріханаларды аралап, ондағы жағдаймен таныстық. Бағаны негізсіз көтеру фактісі еш жерде тіркелмеді. Белгіленген шектік баға ескерілген. Дегенмен, дәрі-дәрмек жетіспеушілігі – дәріханалардың бәрінде бар мәселе. Қазіргі індетке байланысты негізгі сұраныстағы дәрілердің 40-50 %-ы сатылымда жоқ немесе «Дәріханаға түскен бойда халық дереу алып кетіп жатыр», – дейді фармацевт. Сондай-ақ күні бұрын жіберіп қойған тапсырыстарын дәрі-дәрмек тасымалдаумен айналысатын кейбір компаниялардың әлі күнге жеткізіп бермей отырғанын айтады. Бұның себебі – дәрінің жоқтығы ма, әлде баға өсірудің амалы ма, анығын білмедік. Тексеріс кезінде қаладағы тек бір дәріханада ғана («Рауза» дәріханасы) Парацетамол сатылымда болды. Ал қазір сұраныстағы антибиотиктер мен көк тамырға құятын препараттардың көпшілігі жоқ.

«Алты дәріхананы аралап мына дәріні таппай келемін», – деген тұрғынның қолындағы қағазда «Левофлоксацин» деген дәрі атауы жазылған. Дәл осыны іздеп жүрген тағы екі адам «Мұнда да жоқ», – деп шықты дәріханадан. Кезектегі көпшілік «Күні бойы кезек күтіп, іздегенің болмай, бекер уақыт өтіп жатыр», – деп шағымданды. Әрине, ауру дендеп тұрғанда әр минуттың маңызы зор.

Бәйдібек би ауылындағы тұрғындардан шағым түсіп жатыр деген хабар келген соң онда бардық. 15 мыңға жуық халық тұратын бұл ауылда тек төрт дәріхана бар. Сондықтан да кезек мәселесі мұнда да жоқ емес. Шағым түсірушілер «сағаттап дәріхана алдында тұрмау үшін іздеген дәрілерінің сатылымда бар-жоғы есіктің сыртында жазылып тұрса» деген тілектерін білдірді. «Сонда халық көп жиналып, бір-біріне вирус жұқтыру қаупі де азаяр еді, әрі уақытқа да үнем», – дейді. Дәріхана басшылығы елдің тілегін ескеретінін жеткізді.

Бұл тілекті бүкіл дәріхана қожайындары қаперіне алса дейміз. Әрине, онсыз да қарбалас уақытта фармацевтер үшін бұл – «артық жұмыс». Дегенмен, қазіргі халықтың жай-күйін ескере отырып, бір-бірімізді қалай да қолдау амалын тапсақ екен.

Құралай МҰРАТҚЫЗЫ

Published in Мақалалар

«Спорт – денсаулық кепілі». Бұл сөз қай заманда да өзектілігін жоғалтқан емес. Сол үшін де осы салаға көптеп көңіл бөлініп, қазақстандықтардың спортпен шұғылданып, салауатты өмір салтын ұстануына барлық жағдай жасалуда. Тіпті, баршамызды төрт қабырғаға қамаған коронавирус індеті кезінде де спортпен айналысамын деушілерге көшеге шығып, жаттығу жасауға рұқсат етілді. Себебі, спорт – көптеген аурулардың таптырмас емі. Ауданымызда да спорт саласына ерекше көңіл бөлінген. Спорт алаңдары ретке келтіріліп, дене шынықтыру-сауықтыру кешендерінің құрылысы жоспарлануда. Атқарылып жатқан осындай игі шаралар жайымен толығырақ танысу мақсатында аудандық дене шынықтыру және спорт бөлімінің басшысы Ерболат Сарабековпен сұхбаттасқан едік.

– Ерболат Сарабекұлы, ауданымызда бұқаралық спортқа қаншалықты көңіл бөлінуде?

Салауатты өмір салтын дәріптеу және бұқаралық спортты дамыту аясында бұқаралық спорттық іс-шараларды жүйелі түрде жүргізу қамтамасыз етіл-ген. Бүгінде ауданымызда адам үшін осыншама маңызға ие дене тәрбиесі мен спортты дамытуға барынша жағдай жасалып жатыр.

Аудан бойынша спорт инфрақұрылымы қарқынды дамытылуда. Бұқаралық спорт жарыстарын ұйымдастырып, өткізуге арналған 395 спорт құрылымы  бар. Оның ішінде 90 спорт залдар, 1 стадион, садақ атуға арналған тир саны – 54, жазықтық құрылғылар – 245, алаңдар – 166 және 78 спорттық алаң жұмыс  істейді.

Жетістіктеріміз де жетерлік. Аудан спортшылары түрлі спорттық жарыстарға қатысып, жоғары нәтижелерге қол жеткізуде. Жалпы спорт саласы Талдықорған қаласынан кейінгі 2 орынға тұрақтады. Жоғарғы жетістіктер спортын дамыту, спорт резервін дайындау, бұқаралық спортты дамыту жөніндегі жұмыстар жалғасын таба береді.

– Шелек ауылында да спорт кешені ашылады деп жоспарланған еді.

– Иә, Шелек – тұрғындар саны мен аумағы жағынан ең ірі ауыл. Сондықтан, Шелек жастарына спорт кешені қажет. Осы орайда, Алматы  облысының құрылыс басқармасымен жобалық-сметалық құжаттама жасау үшін 50 млн 544 мың теңге  бөлініп, «Капремпроект» ЖШС 2019 жылдың  шілде айында тендерді жеңіп алды. Осы жылдың қазан айында жобалау сметалық  құжаттамалары дайын болады. Спорттық-сауықтыру кешенін 2021-2022 жылдары  салу жоспарлануда.

Ауданымыздың спорт пен дене шынықтыруды дамыту үшін спорттық нысандар желісін жаңғырту және кеңейту үшін Түрген, Өрікті, Тескенсу, Байтерек, Малыбай, Бөлек, Қорам, Шелек, Бәйдібек би  ауылдарына  спорттық кешендер 2021-2025  жылдары  салынады деп күтілуде.

– Бижанов ауылындағы мемлекетке қайтарылған спорт кешеніне жөндеу жұ-мыстары жүргізіліп жатыр ма?

– «Рухани жаңғыру» бағ-дарламасының аясында ауыл кәсіпкерінің демеушілігімен тұрғындар игілігі үшін сыйға тартылған ғимарат 2018 жылы мемлекет меншігіне қайтары-лып, 2019 жылы жобалық-сметалық құжаттары жасалды. Қазіргі уақытта күрделі жөндеу жұмыстары жүргізілуде. «Жұмыспен қамту жол картасы 2020» бағдарламасы аясында және Бартоғай ауылдық округінің  тұрғындарын спортқа деген қызығушылықтарын арттыру мақсатында, 2020 жылдың желтоқсан айына дейін Бижанов ауылындағы К.Ибраимов атындағы спорт кешені пайдалануға беріледі.

Оның сыртында, Ақтоған ауылында спорттық алаңды жөндеу үшін 6 млн теңге  қаражат бөлініп, жөндеу жұмыстары жүргізілді. Түрген  ауылдық округінде спорттық алаңды жөндеуден өткізу үшін 9 млн теңге қарастырылып, мердігер «Сапа стандарт» ЖШС  құрылыс жұмыстарын жүргізіп жатыр.

2019 жылдың тамыз айында Амангелді ауылындағы Садыр атындағы орта мектебінде ауданы 648 шаршы метрді құрайтын шағын футбол алаңы салынды. Оған бюджеттен бөлінген 6 млн 100 мың теңге қаржы толықтай игерілді. «Өңірлерді дамыту» бағдарламасы шеңберінде бөлінген қаражатқа ашық конкурс нәтижесінде «Жаңай Құрылыс 7» ЖШС жеңімпаз атанып, 9 млн теңгеге Бөлек ауылының спорт алаңына ағымды жөндеу жұмыстарын жүргізді.

Алдағы уақытта мемлекеттік-жеке меншік серіктестік негізінде Есік қаласының  жоғарғы футбол алаңы абаттандырылады.

– Спортсүйер азаматтарға барлық жағдай жасалуда. Нәтиже бар ма?

– Әрине, ауданымыздағы спорттық-материалдық базаның нығаюы – аудан бойынша дене шынықтыру және спортпен айналысушылар санының өсуіне оң әсерін тигізді. Дене тәрбиесі мен спортпен тұрақты түрде шұғылданушылардың саны артып, жалпы аудан  халқының 29,8  пайызын, яғни,  89 438 адамды құрады.

Аудандағы барлық мектептерде кешкі уақытта және сенбі, жексенбі күндері тұрғындарға қоғамдық негізде тегін спортпен айналысуына жағдай жасалған.

Аудан тұрғындарының денсаулығын нығайту және кешкі уақыттарын ұтымды өткізу үшін, дене шынықтырумен айналысатын тұрғындардың санын көбейту мақсатында 2014 жылдың 1 қаңтарынан 26 спорт жөніндегі әдіскер-нұсқаушыларға штат бөлінген болатын. Алматы облысы әкімінің қолдауымен және облыстық спорт және дене шынықтыру басқармасының спорт кешендерінің  халыққа қолжетімді  болу хатына сәйкес, Еңбекшіқазақ аудандық спорт мектебінде кешкі сағат 19:00-ден 23:00-ге дейін ауданда жұмыс істейтін мемлекеттік мекемелер қызметкерлері мен мамандары және аудан жастарына спортпен шұғылдануға, спортзал мен жабдықтарды тегін пайдалануға рұқсат етілген.

Ауданда 8 бильярд, 3 жаттығу зал халыққа қызмет көрсетеді. Сонымен қатар, көпт-ген спорт түрлерінен секциялар жұмыс істеуде. Атап айтқанда,  баскетболдан, волейболдан, футболдан, гандболдан, үстел теннисі секілді 85-ке жуық спорт секция жұмыс атқарады. Дзюдодан, бокстан, самбодан, еркін күрестен, гір спорты, жеңіл атлетикадан, шахмат, дойбыдан 40-қа жуық спорт секция жұмысын істейді. Ұлттық спорт түрлері де назардан тыс қалған емес. Қазақша күрес, көкпар, тоғыз құмалақ, теңге ілу, асық ату, саятшылық, аударыспақ сынды секцияларда тұрғындар дайындалады.

– Балалар мен жасөспірімдер спорты қай деңгейде?

– Бұл бағыттағы спортты дамыту мақсатында жалпы аудан бойынша 2 балалар жасөспірімдер спорт мектебі жұмыс жасайды. Спорт мектептерінде спорттың 18 түрі дамытылуда. Спортпен шұғылданушы балалар мен жасөспірімдер саны былтырғыдан артып 1811-ге жетті.

– Барлық жетекші саланың тұралауына себепкер болған коронавирус спорт саласына қалай әсер етті?          

– «Коронавирус» пандемиясының белең алуына орай 16 наурыздан 25 мамырға дейін аудандық  спорттық-мәдени іс-шараларға және оқу-жаттығуға уақытша тыйым салынды. Карантин уақытында үй жағдайында аудандық команда мүшелері онлайн жаттығуға көшті. Барлық спорттық ғимараттар (спорт залдары, фитнес орталықтары, спорт секциялары, спорт клубтары) карантин уақытында жабылды. Спорт жөніндегі нұсқаушылар мен жаттықтырушылар да онлайн жаттығу режимге көшті.

Алматы облысының Бас мемлекеттік санитариялық дәрігері Қ.Баймұхамбетовтың «Алматы облысының аумағында карантин және карантинді шараларды босаңсыту туралы № 12 Қаулысының негізінде 25 мамырдан бастап ашық ауада (спорт алаңдары, ипподромдар), көрерменсіз спорттық іс-шаралар мен жаттығулар, күшейтілген санитарлық-дезинфекциялық режимді сақтай отырып, жеке және топтық дайындық  жұмыстары жүргізіліп жатыр. Қазіргі таңда жарыстардың басым көпшілігі онлайн режимінде өткізілуде.

– Сұхбатыңызға рахмет.

 

Әңгімелескен

Сардарбек НҰРАДИН

Published in Мақалалар

 Адамзат тарихында жер жүзіне түгел таралған аурулар аз болған жоқ. Солардың ішінде соңғы жүз жылда бүкіл әлемді дүрліктірген ірілеріне тоқталып өтсек.

Осыдан бір ғасыр артқа шегініп, тарихқа көз жүгіртсек, миллиондардың өмірін қиған «испан тұмауы» туралы біле аламыз. Ауру белгілері: беттің көгеруі – цианоз, пневмония, қанды жөтел. 1918 жылдың басынан 1920 жылға дейін жалғасқан жаман дертке бүкіл әлем тұрғындарының 30 %-ы шалдыққан. Бұл – жарты миллиардтан астам халық. Ал одан көз жұмғандар саны 100 миллионға дейін жетеді деген дерек тіркелген тарихта. Бірінші дүниежүзілік соғыс аурудың тез таралуына «жақсы жағдай» тудырды. Алғашқы 25 аптаның өзінде 25 миллион адам көз жұмды. Соғыстың соңғы айларында бастау алған аурудың құрбандары қарулы шайқастағы адам шығынынан еселеп артты. «Испан тұмауы» деген атқа ие болғанымен, бұл дерт 1918 жылдың басында Қытай жерінде кең таралған. Одан кейін Америкада анықталып, ары қарай Еуропа елдеріне, Африка мен Үндістанға да жарты жылда жеткен. Ал 1918 жылдың күзінде аурудың екінші толқыны басталады. Келесі жылдың басында жалғыз Жапонияның өзінде 20 миллион адам жұқтырып, 250 мыңы қайтыс болған. Кейбір елдерде халықтың 80 %-ына дейін ауруға шалдыққан. Тіпті бүкіл тұрғынынан айырылған ауылдар да тіркелген. Соның салдарынан қоғамдық орындар мен білім ошақтары да жыл бойы жабық тұрған. Кей жерлерде әскери режим енгізілсе, АҚШ-тың Прескотт қаласында қол беріп амандасуға тыйым салынған. Айтпақшы, Кеңес Одағы кезінде пионерлердің қолын маңдай тұсына көтеріп амандасуында да елде кеселдің кең таралуына тосқауыл қою мақсаты жатыр дейді кейбір дерек көзі. Ол кезде Ресей жеріндегі азаматтық соғыспен қатар испан тұмауы ғана емес, бөртпе сүзек сияқты ауру белең алған болатын.

Екі жылдың ішінде жер жүзін жаулаған «испан тұмауынан» тек Антарктида аман қалған екен.

1957-58 жылдар аралығында бүкіл әлемге «азия тұмауы» деген атпен тұмаудың жаңа түрі тарады. Аурудың негізгі белгілері: жөтел, дене қызуының көтерілуі, бас пен бұлшықеттің ауруы. Ары қарай пневмонияға жалғасып, науқастар бірнеше күнде-ақ көз жұмып жатты.Тұмаудың бастапқы ошағы туралы екі жорамал айтылады. Оның бірі – Қытайдың Гуйчжоу аймағында 1957 жылдың ақпанында тіркеліп, өзге өңірлерге таралған. Ал екі айдан кейін бүкіл әлемде пандемия ретінде жарияланған. Екінші тұжырымға сүйенсек, ауру 1957 жылы ақпанда Сингапурде алғаш тіркелген. Шыққан ошағы қай жер болса да, жер жүзіне таралған тұмаудың бұл түрінен Дүниежүзілік денсаулық сақтау ұйымының дерегінше, шамамен, 2 миллион адам көз жұмған.

1961-1975 жылдар аралығында әлем жұрты тырысқақ ауруынан зардап шекті. Бұл тырысқақ ауруының жетінші рет пандемия ретінде жариялануы еді. Индонезия жерінен бастау алған тырысқақ пандемиясы бүгінге дейін жалғасуда. Әлемнің 180 еліне тараған бұл аурудан толыққанды айыққан бірде бір мемлекет жоқ.

1968-1970 жылдары жер жүзіне «гонкгонг тұмауы» тарады. Аты айтып тұрғандай, Гонконгтан бастау алған ауруға, негізінен, 65 жастан асқан қарт кісілер шалдыққан. Негізгі белгілері: дене қызуының көтерілуі, құрғақ жөтел, тамақтың бітуі, бас ауруы мен әлсіздік. Гонкгонг тұмауынан үш жылдың ішінде 4 миллионға жуық жан жарық дүниеден өтті.

1981 жылы АҚШ-тың ауруды бақылау және алдын алу орталығының ғалымы Майкл Готлиб иммунды жүйені тереңнен зақымдайтын жаңа аурудың белгілерін сипаттап берді. 1982 жылы аталған орталық бұл ауруға ресми «Aquired Immune Deficience Syndrom» (AIDS), яғни «Адамның иммунтапшылық вирусы инфекциясы және жүре пайда болған иммунитет тапшылығы синдромы (АИВ/ЖИТС) деген атау берді. Сол уақыттан бері АИВ-пен күрес әлі күнге жалғасып келеді.

2002-2003 жылдары ауыр асқынған респиратор синдромы (SARS) пайда болды. Атипиялық пневмония аталған ауру Оңтүстік Қытайда басталып, аз уақыт ішінде 29 елде тіркелді. SARS атты жаңа жұмбақ коронавирус жұқтырған 8 мыңнан астам адамның 10 %-ке жуығы көз жұмды. Науқастардың көбі дем жетпей қиналып, өкпесі сұйыққа толған.

2003 жылы Вьетнам, Камбоджа, Қытай, Индонезия, Лаос, Пәкістан, Корея, Таиланд, Тайвань мен Жапония сияқты бірқатар елде «құс тұмауы» тарады. Бұл демалу жолдарына, ас қорыту жүйесіне залал келтірумен сипатталатын қауіптілігі жоғары жұқпалы ауру. Аты айтып тұрғандай, құстардан жұғатын дерт түрленуге бейім болғандықтан қауіпті инфекциялардың қатарына жатқызылады. Құс тұмауының вирусын адамдардың алғаш жұқтыруы 1997 жылы Гонконгта тіркелген. Онда вирустың Н5N1 түрімен 18 адам науқастанып, алтауы қайтыс болған. Дүниежүзілік денсаулық сақтау ұйымының дерегінше, 2003-2008 жылдар аралығында аталған ауру түрімен 361 науқас анықталып, оның 227-сі қайтыс болған.

2009 жылдың наурыз айында алғаш «шошқа тұмауын» жұқтырғандар Мексикада тіркелді. Сол жылдың 11 маусымында Дүниежүзілік денсаулық сақтау ұйымы «шошқа тұмауын» (Н1N1) пандемия деп жариялады. Ал 27 тамызында вирус жұқтырғандар саны 255 716-ға жетіп, 2627 өлім тіркелген. Ауру әлемнің 140-тан астам аймағына таралған. Жалпы, пандемия кезінде 18 мыңнан астам адам шошқа тұмауынан қайтыс болды.

2019 жылдың аяғына қарай орталық Қытайда орналасқан Ухань қаласының тұрғындары түсініксіз пневмонияға шалдыға бастады. Бұл – коронавирустың жаңа түрі – SARS-CoV-2. Оның генетикалық құрылымы ауыр жіті респираторлы синдромды қоздыратын SARS-CoV вирусына 70 % ұқсайтыны белгілі болды. 2020 жылдың 27 қаңтарында Қытайдың жариялаған ресми мәліметі бойынша 2809 адам вирус жұқтырып, 11 қаңтарда алғашқы науқас көз жұмған. Содан бергі жағдайдың беталысы бәрімізге белгілі. 11 наурыз күні Дүниежүзілік денсаулық сақтау ұйымының бас директоры Тедрос Адхан Гебрейесус COVID-19 инфекциясын «пандемия» деп жариялады. Сол күнгі жағдай бойынша аты жаман ауру әлемнің 118 еліне тарап, оны жұқтырғандардың жалпы саны 121 564 адамға жеткен. Қайтыс болғандар 4373 адамды құраған.

Ал қазіргі жағдайға көз жүгіртсек, коронавирус әлем елдеріне толық таралған. Ауырғандар саны – 13 млн 462 мың 868 адам, көз жұмғандар 581 мың 317-ге жеткен. Аурудан ең көп зардап шеккен – АҚШ-та 3 млн-нан астам, Бразилияда 2 млн, Үндістанда 1 млн-ға жуық науқас тіркелген. Өкінішке орай, Қазақстан осы тізімде 30-орында тұр, 63 мың 514 науқас тіркелген. Аурудың таралуы да, тоқтауы да тікелей өзімізге байланысты. Сақтық шараларын сақтайық, ағайын!

Құралай МҰРАТҚЫЗЫ

Published in Мақалалар

Кеше Премьер-Министр Асқар Маминнің төрағалығымен өткен Үкімет отырысында Президент Қасым-Жомарт Тоқаевтың Үкіметтің таяудағы кеңейтілген отырысында берген тапсырмаларын орындауға бағытталған шаралар легі қаралды.

 

Коронавируспен күрес рейтингі іске қосылды

Коронавирус инфекциясының таралуына байланысты елдегі жағдай туралы Денсаулық сақтау министрі Алексей Цой баяндама жасады. Оның айтуынша, қазіргі таңда республика бойынша 61 755 науқас тіркелген. Оның ішінде 25 448 адам ем алуда, 35 911 адам емделіп шық­ты, 396 адам көз жұмды. Тәулігіне 1700-1800 адам COVID-19 вирусын жұқтыруда.

Жағдайды тұрақтандыру үшін өңірлерде жүргізіліп жатқан шаралардың тиімділігінің 17 көрсеткішіне күн сайын мониторинг жүргі­зіледі. Қосымша тағы 4 индикаторды қосу туралы шешім қабылданды, оның 2-еуі БАҚ-пен жұмыс арқылы әлеуметтік ширығуды азайту және тұрғындардың шағымдарын уақтылы қарастыруға арналған. Дәрі-дәрмектің жеткі­лікті болуына мониторинг жүргізу жұмыстары мен медицина ұйымдарының өтінімдеріне Бірыңғай дистрибьютордың жұмысын көр­сететін тағы 2 индикатор бар. Оған қоса ай­мақ әкімдіктерінің жұмысын бағалау рей­тингі әзірленді.

«Рейтингке сәйкес, 1-орынды 2 облыс – Солтүстік Қазақстан және Шығыс Қазақстан облыс­тары алып отыр, бұл өңірлерде 17 инди­катордың 9-ы бойынша көзделген инди­каторға қол жеткізілді. Рейтингте 2-орын­ды 5 облыс және Шымкент қаласы алды – 8 индикаторға қол жеткізілді, 3-орында – 3 облыс және Алматы қаласы иеленді, мұнда 7 ин­дикатор бойынша көрсеткіштер түзелді. Рей­тингте соңғы орынды Атырау облысы алып отыр, бұл аймақта 17 индикатордың 5-еуі орындалған»,  – деді А. Цой.

«Бүгінде COVID-19-бен күресу жұмыс­тарына 46 мыңнан аса маман тартылған. Өңірлерде эпидемиологтар, инфекционис­тер, анестезиолог-реаниматологтар, пуль­монологтардың жетіспеушілігі байқалады. Министрлік аса сұранысқа ие түлектерді: 88 анестезиологты, 26 инфекционисті, 7 пульмонологты өңірлерге бөлді», – деді А.Цой.

Кадр тапшылығы мәселесін шешу үшін медициналық жоғары оқу орындарының 2084 маманы мен волонтер жұмысқа тартылып, олар эпидемиялық шараларға жұмылдырылды. Сондай-ақ бұл жұмыстарға студенттер де атсалысуда. Коронавируспен күрес шараларына атсалысқан медицина қызметкерлеріне үстемеақы төленеді.

 

Оқушылар қашықтан оқытылғаны жөн

Елімізде вирус жұқтырған 60 мыңнан астам адамның 1700-ден астамы – балалар.

«Білім мекемелерінің оқушыларының арасында респираторлық инфекциямен ауы­рудың маусымдық өсуін және коро­на­вирус инфекциясына байланысты эпидемиялық қолайсыз жағдайды ескере отырып, шағын жинақталған мектептерді қоспағанда, оқу жылының бірінші тоқсанында орта білім беру ұйымдарының барлық сыныптарын қашықтан оқытуды қарастырған жөн деп санаймыз», – деді А.Цой.

Білім және ғылым министрі А.Аймағам­бетов атап өткендей, педагогтер мен оқушы­лардың коронавирус инфекциясы мен жіті респираторлық вирустық инфекцияларды жұқтыру қаупі жоғары. Мәселен, тек ЖРВИ-мен жыл сайын оқушылардың 70%-ына дейін ауырады. Осыған байланысты министр балалар үшін мектептерді ашуға әлі ерте деп, өткен оқу жылының үшінші және төртінші тоқсанындағы тәжірибені қайталауды — қашықтан оқыту форматын жалғастыруды ұсынды. А.Аймағамбетов осы бағыттағы ұсыныстарды тәптіштеп тұрып ортаға салды.

«Бірінші. Шалғайдағы ауылдардағы ша­ғын жинақты мектептерді ескермегенде, 1 қыр­күйекте оқу жылын еліміздің барлық мектеп­терінде 1-11 сыныптар үшін қашықтан оқыту форматында бастау. Екінші. Бастауыш сыныптардың оқушыларының ата-анасының өтініші бойынша тиісті мүмкіндіктерге қарап, қатаң санитарлық шараларды сақтай отырып, кезекші сыныптардың жұмыс іс­теуіне мүмкіндік беру», – деді министр.

Бұл бастауыш сыныптардың оқушыла­рының жас ерекшеліктеріне, өз бетінше білім алу және өзін өзі тәртіпке салу дағдыларының қалыптаса бастауына байланысты. Бірақ мұндай жағдайда мектептерде санитарлық қауіпсіздік шаралары барынша күшейтілетін болады.

«Балалар тек бір кабинетте оқиды, үзіліс­тері әртүрлі уақытта болады, кіреберісте дене қызуын өлшеуді ұйымдастырамыз, ауа­ны тазарту, кварцтау және ылғалды тазалау режімі күшейтіледі. Әлеуметтік қашықтықты сақтау үшін оқытуды ауысымдарға және бала саны 10-15 баладан аспайтын шағын топтарға бөлу, мектепте оқыту күндерінің кезегі жасалады. Десек те, бұл балалар үшін пәндердің бір бөлігі қашықтан оқытылады», – деді министр.

Ол шалғайда орналасқан шағын ауылдық мектептерде штаттық форматта оқыту мүм­кін­­дігін ұсынды. Бұл жалпы оқушылар са­ны­ның 4%-ын құрайды. Осы критерийге сәй­кес келетін 1934 мектепте 127 мың бала бар.

Министр қашықтан оқытудың тек жаңа оқу жылының басталуына қатысты шешім екенін атап айтты.

«Бірінші тоқсан аяқталғаннан кейін эпи­де­миялық жағдайдың тұрақталуына бай­ланысты мектептерде кезең-кезеңмен аралас оқыту және штаттық форматта оқыту жүргі­зіледі», деді ол. Үйде оқытудың ең осал топтары – ерекше білім беруді қажет ететін балалар және табысы төмен отбасылардың балалары, бастауыш сыныптардың оқушылары болғандықтан, осы санаттағы балаларға инклюзивті және қолжетімді білім беру қам­тамасыз етіледі.

Оқу жылына әзірлік барысында 35 мың компьютер сатып алынған. Жер­гілікті атқа­рушы органдар мектептерді, мұға­лім­дерді және оқушыларды компьютерлермен және ин­тернетке қосылумен қамтамасыз етуге тиіс.

Төртінші тоқсанның қорытындысы бо­йын­ша педагогтердің және оқушылардың ұсыныстары бойынша Білім және ғылым министрлігі интернет-платформаларды жаң­­ғырту жұмыстарын жүргізді. Бірінші және екінші тоқсандағы пәндер бойынша оқу материалдары дайын. Онлайн-оқыту үшін әкімдіктер әр мектепте стриминг мүм­кіндігі бар интернет-платформаға қосылу мүмкіндігін қамтамасыз етуі керек.

Жаңа оқу жылын колледждер де қашықтан оқыту режімінде бастайды. Дәстүрлі формат жеке кесте бойынша өндірістік оқытуды және кәсіби практиканы ұйымдастыру кезеңінде көбіне бірінші және бітіруші курстардың білім алушылары үшін, сондай-ақ шалғайда орналасқан колледждерде аз контингент болса, санитарлық нормаларды сақтай отырып жүргізіледі.

«Жалпы, жаңа оқу жылына дайындық бойынша іс-шаралар кешенді түрде жалғас­тырылатын болады», – деп түйіндеді министр.

 

Өңдеу өнеркәсібі өрлеп келеді

Ұлттық экономика министрі Руслан Дәленов Мемлекет басшысының тапсыр­маларын іске асыру жөнінде шаралар әзір­ленгенін айтты. Соның ішінде Мемлекет басшысының экономика салаларын және халықты қолдаудың қосымша шаралар паке­тін қалыптастыру жөніндегі тапсырмасын орындау үшін Үкімет пен Ұлттық банктің бірлескен іс-қимыл жоспары жасалады. Тікелей инвестиция тартуда тұрақты ортаны қалыптастыру мақсатында стратегиялық инвесторлар үшін шарттарды сақтаудың тұрақтылығын қам­тамасыз ету бойынша заң­намаға қажетті өзге­рістер енгізіліп, Пар­ламент Мәжілісінің қарауына берілді.

Индустрия және инфрақұрылымдық даму министрі Бейбіт Атамқұловтың мәліметінше, 2020 жылғы І жартыжылдық қорытындысы бойынша өңдеу өнеркәсібіндегі өндіріс көлемі 4,8%-ға өскен.

«Жыл соңына дейін өңдеу өнеркәсібі салалары бойынша барлық жоспарлы көрсеткішке қол жеткізу жоспарланды. Өңдеу өнеркәсібі салаларында 1,7 трлн теңге сомаға 65-тен аса жоба іске асырылады. Бұл 2025 жылға қарай саладағы импортты 20%-ға қысқартуға мүм­кіндік береді», – деді министр. «Нұрлы жол», «Нұрлы жер» және «Жұмыспен қамту жол картасы» бағдарламалары бойынша жалпы құны 3,7 млрд теңгені құрайтын 6 202 инфра­құрылымдық жоба іске асырылуда, ондағы қазақстандық қамту үлесі – 90%.

Сонымен қатар құрылыс материалдарын шығару бойынша 33 жоба іске асырылуда, осының есебінен импорт үлесін 15%-ға азайту және тұрғын үй құрылысындағы отандық құрылыс материалдарының үлесін 90%-ға дейін жеткізу көзделеді. Министрлік құрылыс саласында қазақстандық қамту үлесін ұлғайту бойынша бұдан басқа да нақ­ты шаралар қабылдауда. Осы мақсатта бюджет есебінен қаржыландырылатын жобаларда отандық материалдарды міндетті түрде қолдану бойынша құқықтық база құрылды. Сараптамадан өткен барлық жобаның жиын­тық ресурстық ведомостары енгізілген портал әзірленді.

Ауыл шаруашылығы министрі Сапархан Омаров әлеуметтік маңызы бар азық-түлік тауарлары қымбаттамауы үшін министрліктің ішкі нарықты толықтыру бойынша жоспарлы жұмыс жүргізіп жатқанын айтты. Мәселен, жер мәселелеріне қатысты Президент Әкім­шілігі Қауіпсіздік Кеңесінің талдамалық тобымен бірлесе отырып, ауыл шаруашылығы мақсатындағы жерлерді пайдаланудың әлем­дік тәжірибесіне талдау жасалды. Кеңінен талқылауға шығарылатын бірқатар ұсыныс әзірленді. «4 өңірде ғарыштық мониторинг бойынша қанатқақты жоба іске асырылуда, оның жайылымдық алқаптарға қатысты бірінші кезеңі аяқталды, жыртылған жерлер бойынша екінші кезең басталды, жыл соңына дейін аяқталады»,  – деді министр.

 

Экология өзекті бола түсті

Еліміздегі қазіргі экологиялық ахуал туралы Экология, геология және табиғи ресурстар министрі Мағзұм Мырзағалиев баяндағанындай, қазіргі таңда еліміздегі 3,3 мың полигонда 125 млн тоннадан аса қатты тұрмыстық қалдық жиналған. Жыл сайын 5 млн тонна қосымша ТҚҚ жиналады. Оны өңдеу үлесі 2018 жылы 11,5% болса, 2019 жылдың қорытындысы бойынша 14,9%-ға өсті. Қайта өңдеу көлемі Маңғыстау, Алматы облыстарында және Шымкент қаласында жоғары, ал төмен көрсеткіштер Ақмола, Шығыс Қазақстан және Батыс Қазақстан облыстарында төмен.

Министрдің айтуынша, жылдар бойы заңсыз қоқыс төгу орындарының көбеюі мәселесінің шешімі табылмай келеді. «Қа­зақстан ғарыш сапары» АҚ ғарыштық мониторинг шеңберінде 11 шілдедегі жағдай бойынша еліміздің барлық өңірінде 7,5 мыңнан астам осындай полигон анықталған. Әкімдіктермен бірлесіп оны жою жоспары әзірленді.

«Жаңа заңсыз қоқыс орындарының пайда болуына барынша жол бермеу қажет. Бұл үшін қоғамдық рейдтер өткізіп, анықталған фактілерді жұртқа жария етуді ұсынамыз. Алайда осы мәселені жүйелі түрде шешу үшін жаңа Экологиялық кодексте қоқыс шығаратын көліктерге GPS-датчиктерді міндетті түрде орнату шаралары көзделді», деді М.Мырзағалиев.

Премьер-Министр Мемлекет басшысы қойған міндеттердің барлығы нақты орындалуы тиіс екенін атап айтты. «Әрбір басшы оның іске асырылуына жеке жауапты болады», – деді А.Мамин.

 

42 500 теңге тағы бір айға төленеді

Отырыста қаралған мәселелерді Үкімет басшысы Асқар Мамин қорытындылады.

«Қатаң карантиндік шектеу шараларының екінші аптасы өтіп жатыр. Аурудың таралу қарқыны тұрақталып келеді. Денсаулық сақтау министрлігінің ұсынысы бойынша эпидемиялық ахуалды одан әрі тұрақтандыру үшін елде шектеу шараларын тағы 2 аптаға – 20 шілдеден бастап 2 тамызға дейін ұзарту туралы шешімді қабылдап отырмыз», деген Үкімет басшысы карантин талаптарын қатаң сақтауға шақырды және орталық мемлекеттік органдар мен әкімдіктерге каран­тинді одан әрі сақтаудың барлық шараларын іске асыруды тапсырды.

А.Мамин дәрі-дәрмектің қажетті қоры бар екенін, ол үнемі толықтырылып отыратынын атап айтты. Дәрі-дәрмекті дәріхана желілері мен стационарларға нақты бөлу үшін барлық шараларды қамтамасыз ету қажет.

«Мемлекет басшысының тапсырмасы бойынша шектеу шаралары кезеңінде табысынан айырылуға байланысты берілетін әлеуметтік жәрдемақыны – ең төменгі жалақы мөлшеріндегі 42 500 теңгені бір айға төлеу туралы шешім қабылдап отырмыз. Төлем карантин шараларының күшейтілуіне байланысты жұмысы шектелген жұмыс берушілердің, жеке кәсіпкерлер мен өзін өзі жұмыспен қамтығандардың өтінімі негізінде жүргізіледі», – деді А.Мамин.

Үкімет басшысы төтенше жағдай кезін­дегідей, азаматтардың жекелеген санаттарына (1 миллионнан астам адам) азық-түлік өнімдерін алуға ақшалай көмек беруді жалғастыруды, үшінші тоқсанда атаулы әлеуметтік көмек та­ғайындауды қолда бар деректер негізінде (128 мыңға жуық отбасы) алдын ала жүргізуді, сон­дай-ақ мүгедектігін қайта куәландыру мерзімі каран­тин кезеңіне тап келген адамдардың (шамамен 30 мың адам) мүгедектігін үш айға автоматты түрде ұзартуды тапсырды.

Денсаулық сақтау министрлігінің ұсыны­сы бойынша тиісті министрліктер мен әкім­­діктерге жаңа оқу жылының бірінші тоқса­нында орта білім беру ұйымдарының қашықтан оқытуға дайындығын қамтамасыз ету тапсырылды. Әлеуметтік-экономикалық ахуал нашарлаған жағдайда халық пен биз­несті қолдау бойынша қосымша іс-қимыл жоспары дайындалатын болды. Бюджет қара­жатын тиімді жұмсап, инфляцияны 8-8,5% дең­гейінде ұстау үшін ақша-несие сая­сатын жүргізу керектігі аталды.

«Ауыл шаруашылығы министрлігі осы аптаның соңына дейін Жер реформасы жөнін­дегі комиссияны құру туралы шешім жоба­­сын енгізуге тиіс. Комиссия жер ресурстарын одан әрі пайдалану бойынша нақты ұсы­ныстар дайын­дауы қажет», – деді Премьер-Министр.

Отырыс барысында Премьер-Министр тарапынан Индустрия және инфрақұрылымдық даму министрлігіне әкімдіктермен және «Атамекен» ҰКП-мен бірлесіп, тауарларды сатып алу және құрылыс жұмыстарын жүр­гізу кезінде жергілікті қамту үлесін ұлғайту, сондай-ақ өңдеу өнеркәсібінің жобаларын іске асыруды кеңейту туралы тапсырма берілді.

Дереккөз: egemen.kz 

Published in Санаты жоқ
Copyright © 2014 Меншік иесі: ТОО "Еңбекшіқазақ" Есік қаласы, Алматы обласы № 4270-Г

 Выходные данные

Жарнама

для детей, достигших 12 лет