Бейсенбі, 27 Сәуір 2017 10:50

Кубок иегері анықталды

Жақында Есік қаласындағы төменгі стадионда футболдан аудан әкімі кубогінің ақтық кезеңі өтті. Ауқымды шараға аудандық мәслихат хатшысы, бокстан КСРО-ның спорт шебері Бекет Ахметов, спорт жанашыры Руслан Қалиев, қала әкімі Бауыржан Бименов пен дене шынықтыру және спорт бөлімінің басшысы Ерболат Сарабеков қатысты.

 

Дене шынықтыу-сауықтыру кешенінде өткен бәсекенің ашылу салтанатында сөз сөйлеген Бекет Ахметов қатысушыларға сәттілік тілей отырып:

– Құрметті футболшылар, «Дені саудың – жаны сау» – деген сөз бекер емес. Тәуелсіз Қазақстанның болашағын өздеріңіз секілді спортпен шұғылданатын жастар құрау керек. Сондықтан, өздеріңізге қолдан келгенше жағдай жасалуда. Оның бірден-бір дәлелі өздеріңіз тұрған спорт кешені – деді. Сондай-ақ, Руслан Қалиев те қатысушы командаларға сәттілік тіледі. Шара барысында футболдан 2016-2017 жылғы чемпионаттың бірінші және екінші лига жүлдегерлері мен жаңімпаздары марапатталды.

Екінші лигада «ПМК-Шелек» ІІІ орын алса, ІІ орын «Шадай батыр» командасына, І орын «Қазақстан» командасына бұйырды. Бірінші лигада ІІІ орынды «Байрам» құрамасы еншіледі. «Альтаир» командасы ІІ орынға табан тіреп, «Намыс» командасы жүлделі І орынды қанжығалады. Сонымен қатар, ерекше ойын үлгісін көрсеткен ойыншылар да құралақан қайтпады. Амир Тоқаев «Үздік қақпашы», Жанұзақ Рысбаев «Үздік қорғаушы» номинациясын еншіледі. Жәдігер Рахманов «Үздік жартылай қорғаушы» атанып, «Үздік шабуылшы» атағы Бахтияр Имнахуновқа бұйырды. Жеңімпаздар алғыс хаттармен марапатталып, медаль мен кубоктар табысталды.

Марапаттаудан соң әкім кубогінің ақтық кезеңіне жолдама алған түргендік «Байрам» командасы мен асылық «Шадай батыр» командасы алаңда кездесті. «Нағыз мықты алып та жығады, шалып та жығады» – деп бекер айтылмаса керек, қос мықты да ауа райының қолайсыздығына қарамастан көз сүйсіндірер ойындарымен кездесудің көркін қыздыра түсті. Осылайша, ойынның алғашқы таймында қарсыласынан басым түскен түргендіктер есеп ашты. Алайда, екінші таймда намысқа тырысқан «Шадай батыр» футболшылары есепті теңестіріп, артынша тағы бір голдың авторы атанды. «Байрам» жігіттері де оңай шағылар жаңғақ емсетігін көрсетіп, қарсыластың қақпасына тағы бір голын тоғытты. Негізгі уақытты 2:2 есебімен қорытындылаған командалар, жеңімпазды пенальти тебу арқылы анықтады. Нәтижесінде, 3:1 есебімен асылық «Шадай батыр» командасы аудан әкімі кубогінің иегері атанды.

Марапаттау сәтінде ойындарына сүйсінген Бекет Ахметов спортшыларға алғыс айтып, кубок пен медаль, алғыс хаттарын табыстады.

Сардарбек НҰРАДИН.

Оқылды 1289 рет

Соңғы жаңалықтар

Қаң 22, 2021

Емдік қасиеті бар ғажайып сусын

Ағзаға өте пайдалы шырын дайындайық.3 ай қабылдау қажет. Денсаулық көп ұзамай қалпына…
Қаң 21, 2021

Қазақы ауылдың жаңа келбеті

Ауыл – ел бесігі. Осынау алтын бесіктің құшағында тербелген тұрғындардың тұрмысы жайлы,…
Қаң 21, 2021

VII шақырылған Еңбекшіқазақ аудандық…

«Қазақстан Республикасында жергiлiктi мемлекеттiк басқару және өзін-өзі басқару туралы»…
Қаң 21, 2021

Тәні саудың жаны сау

Спорттың адам өміріндегі орны ерекше екендігі баршамызға мәлім. Спортпен айналысқан…
Қаң 21, 2021

Қызыл аймақта 6 облыс, 1 қала тұр

Денсаулық сақтау министрлігі 21 қаңтардағы эпидемиологиялық ахуалды бағалау матрицасын…
Қаң 21, 2021

На 1,2 млрд тенге защищены права…

Палата предпринимателей Алматинской области в прошлом году защитила права…
Қаң 21, 2021

Алматы облысындағы 16 мыңнан астам…

2020 жылы Алматы облысында 16 мыңнан астам кәсіпкер сервистік қызметтер мен кеңестер…
Қаң 20, 2021

Коммуналдық төлемдерге тарифтер…

Баға бағамы шарықтаған тұста коммуналдық қызмет саласындағы тариф құнының тұрақты болуы…
Қаң 20, 2021

Алматы облысында індеттің қарқыны…

ҚР эпидемиологиялық жағдайын бағалау матрицасы бойынша Алматы облысы "сары" аймақта. 2021…

Күнтiзбе

« Қаңтар 2021 »
Дс Сс Ср Бс Жм Сб. Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет