Бейсенбі, 26 Желтоқсан 2019 10:26

Ат тұяғын тай басар

Алматы қаласы ішкі істер басқармасының құрамындағы Алмалы аудандық полиция бөлімінің қылмыстық істер іздестіру қызметінің басшысы Қанат Жақыпбаев жыл сайын халықаралық, әлемдік жекпе-жек спорт жарыстарына қатысып жүргенін және бірінші орынды үздіксіз алып жүргенін газетіміз жариялап тұрады.

Міне, енді Қанаттың туған інісі Сұлтан Қанет Евразиялық комбат джиу-джитсу федерациясының ұйымдастыруымен Алматыда өткізген халықаралық жарысында 70 килограмм салмақ дәрежесі бойынша бірінші орынды жеңіп алды.

Қазақ жастары жекпе-жек спорт түрлерінен, әсіресе бокс, ережесіз жекпе-жек, шығыс жекпе-жектерінен басқа елдер спортшыларынан оқ бойы озық тұр десек артық айтқандық емес. Соның бір дәлелі – көптеген әлемдік жарыстарда жеңімпаз атанып жүрген Қанат ағасынан қалыспай, өкшелей қуып келе жатқан Қанет Сұлтанның жетістіктері айғақ.

Осы хабарды – қуанышты ақпаратты, редакциямызға жеткізіп Сұлтанның жеңісімен марқайған жекпе-жек спорт шеберлерінің әкесі аудандық мәслихат депутаты Жақыпбаев Еркін Қанетұлының мақтанышы – бүкіл қазақ елінің мақтанышы. Жеңісті күндеріміз көп болсын!

 

Қ.Қасымұлы

Read 295 times
Copyright © 2014 Меншік иесі: ТОО "Еңбекшіқазақ" Есік қаласы, Алматы обласы № 4270-Г

 Выходные данные

Жарнама

для детей, достигших 12 лет