Күндер бойынша реттелген элементтер: Жұма, 02 Тамыз 2019

Елбасы Н.Назарбаевтың  «Рухани жаңғыру» бағдарламасы аясында туған өлкеңнің тарихын танып, киелі жерлерді аралау мақсатында аудан қонақтарымен  Есік мемлекеттік тарихи-мәдени қорық музейіне экскурсия жасадық. Шара барысында «Сақтардың тарихы мен мәдениеті», «Алтын адам», «Қазақстан археологиясы» және «Уақытша көрмелер залы» атты 4 экспозициялық зал мен «Алтын адамды» алғаш ашушылардың бірі - археолог Бекмұханбет Нұрмұханбетовтың мемориалдық бөлмесін аралап тамашалады. Есік көлі мен Түрген сарқырамасына жол тартқан туристер мен қонақтар алдымен кіре берістен тарихтан сыр шертер өлкеміздің мақтанышы, ең көрнекті мәдени мекемесі «Есік» тарихи-мәдени музейіне бас сұғады.

– Біздің шаңырақта мәдениет майталмандары да, атақты актер әншілер де қонақ болып, «Алтын адам мекенін» тамашалады. Бекжан Тұрыс, Ғанн Құлжанов, Ұлықбек Есдәулет сынды аға буын өкілдер, тіпті, шетел ақын-жазушылары таңдай қағысып, мәдениетімізбен танысты. Болашақ ұрпақты Отансүйгіштікке тәрбиелеп, бойына елжандылық дарытуды, адамгершілік асыл қасиеттерді сіңіруді мұрат ете отырып, әр мереке қарсаңында, былай күндері де концерттер, ойындар өткізіп, мәдени ошақты насихаттап, мұрамызды жаңғырту мақсатында  түрлі іс-шаралар ұйымдастырып отырамыз, – деп қастерлі мекеме қызметкерлері өз жұмыстарымен таныстырды.

Еліміздің тарихы мен мәдениетінен хабар беріп, халқымыздың рухани асыл қазыналарын жинақтап, өлкеміздің өткені мен бүгінін жалғап отырған рухани мекемеден аудан қонақтары  тамаша  әсер алып қайтты.

Жансая ЫСҚАҚ

Published in Саясат
Copyright © 2014 Меншік иесі: ТОО "Еңбекшіқазақ" Есік қаласы, Алматы обласы № 4270-Г

 Выходные данные

Жарнама

для детей, достигших 12 лет