Қош келдіңіз! Добро пожаловать!
Бейсенбі, 29 Қараша 2018 16:10

Жас спортшылар – мақтанышымыз!

Жас спортшылар – мақтанышымыз! mezet.kz

  Биыл 16-қарашада «Халықаралық Самбо Күні» өзінің 80 жылдығын тойлады. Осыған орай, әлемнің түпкір-түпкірінде көптеген чемпионаттар мен турнирлер өткізілуде. Әлемдік спортшылар самбо күресін кеңінен насихаттап, оның дамуына үлестерін қосуда. Самбо – қарусыз қорғану (самозащита без оружия) сөздерінің біріктірілуінен пайда болған ұғым. Самбо жас спорт түрі болғанымен, әлем бойынша өз жанкүйерлерін тауып, қазіргі таңда белсенді түрде даму үстінде. Аудандық балалар мен жасөспірімдер спорт мектебінде де бұл жекпе-жек түрі өте танымал. Ауданымыздағы балалар осы спорт түріне күннен-күнге қызығушылық танытып келеді. Бұның бірден-бір себебі, спорт мектебіміздегі тәрбиеленушілер мен олардың жаттықтырушыларының жеткен жетістіктері. Атап айтсақ, БҚО Ақсай қаласында өткен 2002-2003 ж.т. жасөспірім ұлдар мен қыздар арасындағы самбодан Қазақстан Республикасының чемпионатында спортшы қыздарымыз Аружан Арман мен Гузель Аюпова және спортшымыз Мухаммедали Мавлидов алтын жүлдемен оралды. Қазіргі уақытта осы чемпиондарымыз Қазақстан құрама командасының мүшелері атанып, еліміздің атынан Сербияның Нови-Сад қаласында 3-5 желтоқсан аралығында өтетін самбо күресінен Әлем Чемпионатында ел намысын қорғауға дайындалуда.   Сондай-ақ, Қазақстанның намысын Мәскеу қаласында өткен самбо күресінің Халықаралық турнирінде қорғаған Ильяс Қасен деген тәрбиеленушіміз қола жүлдемен оралған-тын. Мамыр айының 11-14 күндері Моңғолияның астанасы Улан-Батор қаласында жастар арасында Азия  чем-пионатында Жаңашар ауылының нәзік жандысы Гулнаст Нурдинова «Азия біріншілігінде» алтыннан  алқа тақты. Сонымен қатар, ол қазан айында Грузияның астанасы Тбилиси қаласында өткен самбо күресінен Жастар мен жасөспірімдер арасындағы Әлем Чемпионатында 3-орынды иеленіп, қола жүлдегері және ҚР спорт шебері атанды. Осындай жетістіктерге жеткен спортшыларымыз ауданымыздағы жасөспірімдерді шабыттандырып, спортқа баулиды, ал білікті оқытушы-жаттықтырушылар чемпиондарымыздың санын көбейту үшін бар күштерін салуда.

Өз тілшіміз

Read 53 times

Image Gallery

Күнтiзбе

« Желтоқсан 2018 »
Дс Сс Ср Бс Жм Сн Жк
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
Copyright © 2014 Меншік иесі: ТОО "Еңбекшіқазақ" Есік қаласы, Алматы обласы № 4270-Г

 Выходные данные

Жарнама